15. Mwurin Armakedon, dahme pahn wiawihong Sehdan oh nah ngehn saut akan?

¹⁵ Keieu, Sehdan pahn kilang nah pwihn nin sampah eh pahn kasohrala douluhl. Mwuri, mehkot pahn wiawihong Sehdan. Wahnpoaron Sohn padahkihong kitail dahme pahn wiawi. (Wadek Kaudiahl 20:1-3.) “Tohnleng men me wa kihen ritingada pwoahr loalo me soh kapi,” me iei Sises Krais, pahn ketin kesepwekehdilahng Sehdan oh nah ngehn saut ko nan pwoahr loal me soh kapio oh salihdi irail erein pahr kid. (Luk 8:30, 31; 1 Sohn 3:8) Ni ahl wet, moangen serpento pahn tepida mwoula de mwutpene.c​—Sen. 3:15.