2:7; 3:5—Dahme kahrehda lih en nan tehnpas oko kahukihla “ni mwaren Kuht lih kan oh tie nan sahpw akan”? Kasel kan oh tie kan aramas kin esehkin irail arail kin welikek mwahu oh lingan. Ni mwohmw wet, serepein en Sulam kin kahukihlaiong lih en tehnpas en nanmwarkio kan, soahng koaros me welikek mwahu oh lingan pwe irail en uhdihsang arail songosong en kainangihada ah limpoak.

2:7; 3:5. Serepein likin kahnimw menet sohte mwahuki Solomon. E pil wiahiong lihen nan tehnpas en kahukihla me re sohte pahn song en kahrehiong en mwahukihda emen aramas tohrohr likin mwahnakapw soun silepen sihpwo. E sohte kak oh pil sohte konehng aramas emen en mwahukihda aramas sou lipilipil. Kristian kiripw emen me men pwopwoud en mwahuki pwoudikihte ladu lelepek en Siohwa.—1 Korint 7:39.