14, 15. Poahsoanda pohn Aiseia 65:21, 22, wiewia kaperen dah kan ke kak kasikasikong?

¹⁴ Aiseia sohte kin koasoia laud duwen iaduwen aramas men me kin inengieng en uhwong Koht pahn sohrala, ahpw e kin koasoia duwen irairen mour nan sampah kapwo. Nna, medewehla ma ke mih wasao. Dahme ke pahn medemedewe iei mehkan me ke kin ese. Aiseia koasoia nan iretikitik 21 oh 22: “Aramas akan pahn kauwada imwarail kan oh kousoanla loale​—sohte emen tohrohr pahn kak doadoahngki. Re pahn wiahda ar mwetuwel en wain oh pahn kin nsenamwahuki wahn wain kan​—ahpw sohte emen tohrohr pahn kak adihasang ar wain. Nei aramas akan pahn mour werei, rasehng tuhke kei. Re pahn nsenamwahuki mehlel dipwisou kan me re koadoahkihada.”

16. Dahme kahrehda ke kak kasikasik me sampah kapwo pahn wahdohng aramas akan nsenamwahu ni ahnsou kohkohlahte?

¹⁶ Ahpw, ni mehlel, kesempwal sang ese oaritik pwukat, iei me ke pahn sapwenikihla pein omw wasahn koasoun. Ke uhdahn pahn sapwenikihla sahpwo​—kaidehn duwehte nan rahnpwukat ni ahnsou me ke pahn anahne doadoahk laud en kauwada ihmw akan ahpw aramas teikan pahn uhd paiekihda. Aiseia 65:21 pil mahsanih me ke pahn padokedi mehkot oh ke pahn dolungada oh paiekihda wahn sahpw akan. Ni sansal, met kin oaralapiehda irairen ni ahnsou kohkohdo. Ke pahn nsenamwahukihla omw doadoahk laud kan. Oh ke pahn kak wia met erein omw mour​—“mour werei, rasehng tuhke kei.” Met kin kapwaiada iren Paipel wet “onehda sapahl mehkoaros”!​—Melkahka 92:12-14.