Iaduwen Kitail Kak Kalohk Nan Wasahn Pisnis kan

1. Ia ekei kamwahupen kalohk nan wasahn pisnis?

¹ Ke kin perenki kalohk nan wasa kan me aramas kin kasamwo aramas teikan oh pali laud en ahnsou, ke kin tuhwong aramas nan wasa pwukat? Mwein ke kak wia met nan wasahn kalohk kan nan ahmw mwomwohdiso. Iaduwen? Ni ahmw pahn kalohk nan pisnis kan oh wasahn netinet kan. Sounkalohk kan me kin kalohk wasahn pisnis kan kin kalap diar kapai tohto.

2. Iaduwen brother kan kak koasoanehdi kalohk nan wasahn pisnis?

² Ekei mwomwohdiso kan kin koasoanehdi kalohk nan wasahn pisnis kan duwehte arail kin koasoanehdi kalohk nan wasahn kalohk teikan. Brother me kin apwalih wasahn kalohk kak wiahda map kan en wasa kan me diren pisnis kan. Nan ekei map kan, kalohk ni imwen aramas akan kin tohrohr sang pisnis kan me pil mihmi wasa pwukat, oh e pahn anahne sansal pohn map pwukat me sounkalohk kan pahn kalohk ni imwen aramas kante, kaidehn wasahn pisnis oh map en pisnis kan pahn tohrohr sang map teikan. Nan pil ekei wasa kan, sounkalohk kan pahn wia pisnis kan iangahki imwen aramas akan. Ma ke saikinte iang wia doadoahk en kalohk nan wasahn pisnis, ke kak song en wia met ni ahmw pahn kalohk ni kisin sidohwa kan.

3. Dahme pahn sewese kitail en pweida mwahu ni atail pahn kalohk sang sidohwa lel sidohwa?

³ Doadoahngki Koasoi Mengei: Ni ahmw pahn kalohk sang sidohwa lel sidohwa, e pahn konehng en doadoahngki likou me ke kin doadoahngki ong mihding kan. E pil mwahu en pilada ahnsou ehu me sidohwa sohte kedirepw. Ma kak, pedolong nan sidohwa ni ahnsou me sohte aramas netinet wasao. Peki ma ke kak tuhwong kaunen wasao de aramas me apwahpwalih wasao. Koasoi ni mwotomwot oh kasalehda mwadang dahme ke wiewia. Dahme ke kak nda?

4-6. Dahme kitail kak nda ma kitail men kalohk ong kaunen sidohwa de aramaso me kin apwalih sidohwao?

⁴ Ni ahmw koasoiong kaunen sidohwa de aramas me apwalih sidohwao, ke kak nda: “Aramas akan me kin doadoahk kin kalap sohte mihmi ni imwarail kan pwehki irail kedirepwki arail koasoandi en doadoahk, ihme kahrehda se kohdo nan amwail wasahn doadoahk. Nait makisihn kan kin kasalehda dahme wiawi nan sampah pwon.” Mwurin mwo, ke kak kasalehda, ni mwotomwot, ehu ire nan makisihno.

⁵ De ke kak nda met: “Aramas tohto men kalaudehla arail wehwehki duwen Paipel ahpw arail ahnsou me tikitik. Kisin doaropwe wet kin kawehwehda duwen koasoandi en onop Paipel ni sohte isepe me kak sewese iuk en sapengala peidek kan me ke ahneki me pid duwen Paipel.” Mwurin mwo, kasalehda pali 4 oh 5 nan tract me oaralap koasoia: Ke Men Kalaudehla Ahmw Wehwehki Paipel?

⁶ Ma aramas me apwalih sidohwao kin kedirepw, ke kak kihong ih tracto oh nda: “I pahn pil ehu pwurodo ni ahnsou me ke sohte kedirepw. I men ese ahmw madamadau ong audepen doaropwe wet.”

7. Iaduwen kitail kak sewese irail me perenki rong nan wasahn pisnis?

⁷ Sewese Aramas akan me Kin Perenki Rong: Ke kak pil onop Paipel rehn aramas akan me mihmi nan wasahn pisnis. Emen Special Pioneer kin kaukauleki kihong emen ohlen pisnis nah makisihn. Ni ahnsou me ohlo kasalehda me e kin perenki dahme e kin wadek, brothero (Special Pioneer) wiahda kamwomwada me pid duwen ia mwomwen ohlo pahn onop Paipel ni e doadoahngki Kupwurki brochure. Eri, brothero tepiada onop Paipel rehn ohlo ni ahn ohlo wasahn doadoahk. Pwehki brothero wehwehki me ohlo doadoahk, e kin onop rehn ohlo minit 10 de 15 ehu ehu ahnsoun ara onop. Kitail en pil nantihong rapahki aramas akan me perenki rong nan wasahn pisnis.

Dahme Kitail Kak Koasoia Duwen Makisihn kan

Kahn Iroir July 2004

“Pwehki aramas tohto sohte kin kapwaiada arail inou kan nan rahn pwukat, meh tohto kin apwaliki likih aramas sohte lipilipil. Ke lemeleme mie inou en emen me kitail kak likih? [Mweidohng en sapeng. Mwurin mwo, wadek Sosua 23:14.] Makisihn wet kin kasalehda iaduwen kitail kak kalaudehla atail likih sapwellimen Koht inou kan me ntingdi nan Paipel. Se kin perenki kihong aramas neit makisihn kan​—⁠mehlel, ong irail me men kalaudehla arail sukuhliki duwen Paipel. Ma ke men kihda ahmw kisin sawas ong doadoahk en kalohk wet me wiawi nan sampah pwon, I pahn perenki ale.”

The Watchtower July 15

“Ma mie irair ehu me [duwehte dahme kileledi ni kilin makisihn wet] me mihmi nan nuhs rahnpwukat, pali laud en aramas pahn apwaliki kamehlele met. Dahme ke lemeleme? [Mweidohng en sapeng. Mwurin mwo, wadek Mark 4:​39.] Soangen mehn kadehde dah kan mie me kasalehda me Sises uhdahn wiahda manaman kan? Watchtower makisihn wet kin kasawihada peidek wet.”

Awake! July 22

“Nan rahnwet, aramas mwersuwed kin kalap raparapahki ahl de wiepe kan me re kak widingehki aramas teikan. Ke kin medemedewe duwen met? [Mweidohng en sapeng.] Awake! makisihn wet kin kasalehda ekei ahl akan me kitail kak pere kitail sang mwersuwed kan.” Wadek Lepin Padahk 22:3.