PEIDEK 1
Ihs Koht?
“Aramas akan en esehla me komwi, me mwarenki Siohwa, komwi kelehpw me Wasa Lapalahpie pohn sampah pwon.”
“Kumwail en ese me Siohwa iei Koht. Ih me ketin wiaikitailda, oh e ketin sapwellimankin kitail.”
“Ngehi me Siohwa. Ih mwarei en met; I sohte kin kihong emen tohrohr ei lingan, de pil kapingpei ong sansal perperda kan.”
“Koaros me kin likweriong mwaren Siohwa pahn komourla.”
“Mehlel, ihmw koaros mie me kin wiahda, ahpw me ketin wiahda mehkoaros iei Koht.”
“Kumwail saradalahng nanleng oh kilang. Ihs me ketin kapikada mepwukat? Iei Ih me kin ketin kahre irail nin duwen karis en sounpei sang ni wadepen emenemen irail; e kin ketin malipehkin irail koaros adarail. Pwehki lapalap en sapwellime kehl oh sapwellime manaman kapwuriamwei, sohte ehu rehrail me kin salongala.”