PEIDEK 7
Dahme Paipel kohpada duwen atail ahnsou?
“Ehu tohnwehi pahn mahweniong ehu tohnwehi oh ehu wehi pahn mahweniong ehu wehi . . . Mepwukat koaros iei tepin kahpwal akan, rasehng medek en neitik.”
“Soukohp likamw tohto pahn pwarada oh pitihedi me tohto; oh pwehki lalaudlahn me suwed, limpoak en pali laud en aramas pahn loula.”
“Ni amwail pahn rong ngilen mahwen oh rongen mahwen, kumwail dehr masepwehkada; mepwukat uhdahn pahn wiawi ahpw imwio saikinte leledo.”
“E pahn mie rerrer en sahpw laud, oh ehuehu wasa lehk lapalap oh soumwahu lusulus pahn kin wiawi; oh aramas akan pahn kilang soahng kamasepwehk kan oh kilel kapwuriamwei kan nanleng.”
“Ni imwin rahn akan, e pahn mie ahnsou apwal oh keper. Pwe aramas akan pahn kin roporop ong pein irail, poakohng mwohni, aksuwei, pohnmwahso, lahlahwe, sohte pahn kin peikiong pahpa nohno kan, sohte pahn kin kasapahlkalahngan, soaloalopwoat, sempoak, sohte men pwungki meteikan, karaunlikamw, sohte kak kaunda pein irail, lemei, sohte pahn kin poakohng me mwahu, re pahn kin pangala meteikan, keptakai, aklapalap, re pahn kin nsenkihte wia nsenarail oh sohte kin poakohng Koht, re pahn kin mwomwehda aramas me kin poadidiong Koht, ahpw arail mour sohte kin pahrekiong arail kaudok.”