PEIDEK 10
Dahme Paipel inoukihda duwen ahnsou kohkohdo?
“Me pwung kan pahn sapweniki sampah, oh re pahn mour kohkohlahte nin sampah.”
“Sampah pahn mihmi kohkohlahte.”
“E pahn ketin kadallehla mehla kohkohlahte, oh Kaun Wasa Lapalahpie Siohwa pahn ketin limwihasang pilen mesen aramas koaros.”
“Ni ahnsowo mesen me maskun kan pahn pehdpeseng, oh salengen me salengepon kan pahn rongada wasa. Ni ahnsowo me dangepel pahn lus duwehte tie, oh lowen me lohteng pahn werki peren. Pwe pihl kan pahn kuspekda nan sapwtehn, oh piletik kan nan sapwtehn.”
“E pahn ketin limwihasang pilen masarail kan koaros, oh mehla solahr pahn wiawi, solahr mwahiei,solahr sengiseng oh solahr medek. Mehkan en mahso sohralahr.”
“Irail pahn kauwada ihmw kan oh kousoanla loale, oh irail pahn padokedi mwetin kreip kan oh tungoale wahrail kan. Irail sohte pahn kauwada ihmw kan pwe emen tohrohr en kousoan loale, de pil irail sohte pahn padokedi pwe meteikan en tungoale. Pwe en nei aramas akan rahn akan pahn duwehte rahn akan en tuhke pwoat, oh nei me pilipilda kan uhdahn pahn perenkihda doadoahk en pehrail kan.”