39 ”’Tukuy chaykunataqa Jehová Diosman jaywankichej fiestasniykichejpi.+ Chaykunaqa wajlla kanqa ruwasaj nisqaykichej ofrendasniykichejmanta+ nisqaqa, jinallataj aparimusqaykichej ofrendasniykichejmantapis,+ mayqenkunachus kanku qʼolachina ofrendasniykichej,+ chʼaki mikhuy ofrendasniykichej,+ vino ofrendasniykichej,+ khuska mikhurikuy ofrendasniykichej+ ima’”.

6 Chayman apankichej qʼolachina* ofrendasta,+ waj ofrendasta, sapa chunkamanta ujta Diosman qonaykichejpaj tʼaqasqaykichejta,*+ imastachus Diosman qoyta munankichej chaykunata,+ ruwasaj nisqaykichejmanta ofrendasta, sonqoykichejmanta qoyta munasqaykichej ofrendasta+ ima. Chantapis apallankichejtaj wakasniykichejpa ñaupaj kaj uñasninta, ovejasniykichejpa ñaupaj kaj uñasninta ima.+

9 Runasqa kusisqa kasharqanku chay imasta Diosman qopusqankumanta. Paykunaqa chay imasta mana pej mañasqallan tukuy sonqo Jehová Diosman qoporqanku.+ Rey Davidpis manchay kusisqa kasharqa.

8 Reypa kuraj kamachisninpis runaspaj, sacerdotespaj, levitaspajpis, tukuy sonqo jaywanasta qorqanku. Cheqa Diospa* wasinmanta encargados karqanku Hilquías,+ Zacarías, Jehiel ima. Paykunaqa sacerdotesman qorqanku Pascuapaj 2.600 uywasta, 300 wakastawan.

68 Jerusalenman chayaspataj, maypichus Jehová Diospa wasin karqa chayman chayaspa, familiasmanta wakin umas kajkunaqa sonqomantapacha ofrendasta qorqanku,+ cheqa Diospa* wasinta chay lugarpi watejmanta ruwanankupaj.*+