• Isaías 61:1, 2
    Mosoj Jallp’api Kausajkunapaj Diospa Palabran

    • 61 Tukuyta Kamachej Señor Jehová Diosqa espiritunta qowan,+

      Jehová Diosqa ajllawan llampʼu sonqosman sumaj willaykunata willanaypaj.+

      Kachamuwantaj sonqo pʼakisqa kajkunata jampinaypaj,

      presosmantaj kacharisqa kanankuta willanaypaj,

      presochasqaspa ñawisninkupis sumaj kicharisqa kananta willanaypaj,+

       2 Jehová Dios llampʼu sonqoyojkunata khuyakunan wata chayamusqanta willanaypaj,

      Diosninchejpa vengakunan pʼunchay chayamusqanta willanaypaj,+

      llakisqa kajkunata sonqochanaypaj,+

  • Lucas 4:18, 19
    Mosoj Jallp’api Kausajkunapaj Diospa Palabran

    • 18 “Jehová* Diosqa espiritunta qowan. Payqa ajllawan wajchasman sumaj willaykunata willanaypaj. Kachamuwantaj ñakʼarejkunata kacharichinaypaj, presosmantaj kacharisqa kanankuta willanaypaj, ciegosmanpis watejmanta qhawarinankuta willanaypaj.+ 19 Kachamullawantaj Jehová* Diospa khuyakunan watamanta willanaypaj”,+ nispa.

  • Romanos 8:20, 21
    Mosoj Jallp’api Kausajkunapaj Diospa Palabran

    • 20 Imaraykuchus Diospa tukuy ima ruwasqanqa, mana munasqanraykuchu qhasi manakajman churasqa karqa,+ manachayqa Dios ajinapi kananta saqesqanrayku. Chaywanpis Diosqa uj suyakuyta qorqa. 21 Ajinamanta Diospa tukuy ima ruwasqan juchaj atiyninmanta, wañuymantawan kacharichisqa kananpaj.+ Chay jinamanta Diospa wawasnin jina kacharichisqa kanqanku, chaytaj may sumajpuni.