4 Qanchis kaj watapitajrí jallpʼata samarichinkichej. Chay wataqa Jehová Diospaj tʼaqasqa kanqa. Chay watapeqa ama imatapis jallpʼaykichejpi tarpunkichejchu, nitaj uva sachʼasniykichejpa ramasnintapis kʼutunkichejchu. 5 Chantá nillataj ruthunkichejchu chay wataspi poqoj kʼipa trigosta,* nillataj pallankichejchu uva sachʼasniykichejmanta uvastapis. Jallpʼaqa watantinta sumajta samarinan tiyan.

25 ”Chayrayku kayta niykichej: Amaña kausayniykichejmanta* llakikuychejchu,+ imatachus mikhunaykichejmanta, imatachus ujyanaykichejmantapis, nillataj cuerpoykichejmantapis llakikuychejchu, imatachus churakunaykichejmanta.+ ¿Manachu kausayqa aswan valorniyoj mikhunamanta nisqaqa, cuerpopis ropamanta nisqaqa?+