7 ”Sichus hermanoykichej wajchayapunman, mayqen jallpʼatachus Jehová Diosniykichej qankunaman qosonqachej chaypi chayqa, chay wajcha hermanoykichejta khuyakunkichej, amataj michʼas kankichejchu.+ 8 Astawanpis chay hermanoykichejmanqa mana michʼakuspa qorinkichej.+ Imatachus necesitasqanta, imatachus faltachikusqantapis manurinkichej.*

41 Kusisqamin pichus wajcha runasta khuyakojqa.+

Jehová Diosmin chay runata libranqa llakiy patapi kashajtin.

34 Chantapis kutichipusunaykichejta suyaspallachus wajkunaman manurinkichej* chayqa, ¿ima allintaj qankunapaj kanmanri?+ Juchasapaspis juchasapasman manurillankutaj, tukuyninta kutichipunankuta suyaspa. 35 Qankunatajrí enemigosniykichejta munakullaychejpuni, paykunapaj allin kajta ruwapullaychejpuni, ama imata suyaspa manullaychejpuni.+ Ajinamanta tʼinkaykichejqa jatun kanqa, Aswan Patapi kaj Diospa wawasnintaj kankichej. Payqa malagradecidospajpis sajra runaspajpis kʼacha.+

35 Chay tukuy ruwasqaywan rikucherqaykichej,+ imaynatachus pisi kallpayojkunata yanapanaykichej kasqanta. Señor Jesuspa nisqantapis yuyarikunaykichej tiyan, pay nerqa: ‘Aswan kusisqa kanchej wajman qorispa,+ qorichikunamanta nisqaqa’, nispa”.

16 Amataj qonqaychejchu allin kajta ruwayta, kapuyniykichejmanta wajkunaman qoriytapis.+ Chay ruwaykunaqa uj jaywana jina kanku, Diostataj mayta kusichin.+