16 Jehová Diostaj Moisesman kuticherqa: “Israelpi kurajkunamanta 70 qharista tantapuway, pikunatachus qan churawaj israelitaspa kurajkunasninku, kamachejkunasninkutaj kanankupaj chaykunata.*+ Paykunatataj pusay tinkukuna toldoman, chaypitaj suyawaychej. 17 Noqataj chayman uraykamuspa+ qanwan parlasaj.+ Chantaqa qanpi kaj espíritu santoymanta+ paykunamanpis qollasajtaj. Paykunataj kay runasta qhawayta yanapasonqanku, mana atikunanpaj jina kashajtinpis. Ajinamanta manaña sapallaykichu chayta ruwanki.+