9 “Sayarispa Sareptaman riy, chayqa Sidón jallpʼaspi kashan. Chaypi quedakunki. Noqa uj viudata kamachisaj chaypi mikhunata qosunanta”,+ nispa. 10 Eliastaj sayarispa Sareptaman riporqa. Llajtamanña yaykushajtintaj uj viudata rikorqa llantʼata pallashajta. Eliastaj chay warmita wajyaspa nerqa: “Ama jina kaspa vasitupi uj chhika yakituta jaywarimuway tomarikunaypaj”,+ nispa.

20 Chantá Eliasqa Jehová Diosman qhaparikorqa: “Jehová Diosníy,+ kay viudaqa wasinpi japʼikushawan. ¿Imajtintaj kay jinata ñakʼarichishanki? ¿Qhawallankichu wawan wañupunanta?”, nispa. 21 Chantá Eliasqa chay wawaj patanman kinsa kutita winkuykorqa, Jehová Diosmantaj qhaparikorqa: “Jehová Diosníy, kay wawata kausarichillay ari”, nispa. 22 Jehová Diostaj Eliaspa mañakusqanta uyarerqa,+ wawataj kausarimorqa.+ 23 Eliastaj chay pata cuartomanta wawata uraykuchimuspa wasi ukhuman apaykorqa, chantá mamanman jaywapuspa nerqa: “Qhawariy, wawayki kausashan”,+ nispa.

8 Uj pʼunchay Eliseoqa Sunem llajtaman rerqa.+ Chay llajtapeqa uj qhapaj warmi tiyakoj, chay warmeqa Eliseota munajta mana munajta wajyarej mikhunata qorinanpaj.+ Eliseotaj chayninta pasaspaqa yaykurejpuni mikhurikoj.

13 Chantá Eliseoqa Guehazita nerqa: “Ama jina kaspa tapuriy: ‘Kay jinata tukuy imata ruwapuwayku.+ Kunanqa, ¿imatá qanpaj ruwapuykiman?+ ¿Reymantachu imallatapis mañanpuykiman,+ manachayrí soldadospa comandantenmantachu?’, nispa”. Warmitaj kuticherqa: “Mana, noqaqa llajta masisniy chaupipi allillanta tiyakushani”, nispa. 14 Eliseotaj Guehazita taporqa: “¿Imatataj paypaj ruwapusunman?”, nispa. Guehazitaj nerqa: “Paypataqa mana wawan kanchu,+ qosanpis viejituña”, nispa. 15 Eliseotaj nerqa: “Wajyarqamuy”, nispa. Guehazitaj wajyarqamorqa, warmitaj punkullapi sayarqa. 16 Eliseotaj nerqa: “Wata kunan jina wawata marqʼarikunki”,*+ nispa. Warmitaj nerqa: “Señorníy, qanqa cheqa Diospa kamachin kanki. Ama ajinata kay kamachiykiman llullakuychu ari”, nispa.

17 Aswan qhepamantaj warmeqa onqoj rikhurerqa, chantá Eliseo nisqanman jina watanman qhari wawitata nacechikorqa.