3 Jesustaj payta llankharispa nerqa: “Arí, munani. Sanoyapuy”, nispa.+ Chay ratopachataj chay runaqa lepra onqoyninmanta sanoyaporqa.+ 4 Jesustaj chay runata nerqa: “Uyariway, ama pimanpis kaytaqa willankichu,+ manachayqa rispa sacerdotewan* rikuchikamuy,+ chantá Moisés kamachisqanman jina jaywanaykita qomuy,+ sacerdotes yachanankupaj sanoyapusqaykitaña”, nispa.

42 Imillitataj chay ratopacha sayarispa purirerqa. Payqa 12 watayoj karqa. Tatanwan mamanwantaj chayta rikuspa maytapuni tʼukorqanku, kusikorqankutaj. 43 Jesustajrí kamacherqa amapuni pimanpis chayta willanankuta,+ nerqataj imillitaman mikhunata jaywarinankuta.