¡Kusisqa kawsakuy wiñay wiñaypaq kay Jallpʼapi!
Kay folletoqa kay Jallpʼata ruwaqninmanta yachakuyta yanapasunanpaq ruwakun. Tukuy imata ruwaq Diosninchik sutiyuq kasqanta yachanki. Chantapis imapaqchus Diosninchik runata ruwarqa, imaynatachus tukuypis wiñay wiñaypaq kusisqa kay Jallpʼapi kawsananchikmanta ima yachakunki.
Kay folletopi dibujokunawan astawan allinta yachakunaykita suyayku. Astawan yachakunaykipaq dibujokunap uranpi Bibliamanta pʼitinkunata ñawirinayki tiyan. Jinamanta Bibliaykipi imatachus Diosninchik ruwayta munasqanta ñawirinki, chantapis chay tʼinkakunata japʼinaykipaq imatachus ruwanaykita ima yachakunki.
Kay folletowan runakunata Diosninchikmanta yachachillawaqtaq. Wawayki kaptinqa kay qillqarallawantaq paykunata yachachiwaq. Llaqtaykipi mana ñawiriyta yachaqkuna kaptinqa, paykunatapis dibujokunawan imatachus Diosninchik munasqanta yachachiwaq, paykunataq runa masinkuta kikinta yachachinankupaq.
Kay folletomanta yachakusqaykiqa, tʼinkakunata japʼinaykipaq, chantapis wakkunaman wiñay kawsaymanta yachachinaykipaq tukuy sunquwan yanapasunanta munayku.