Masinchik kapunawanchikpaq, masi kananchik tiyan

Masichakuyqa munakuymanta lluqsin. Jehovamanta astawan yachakuptiyki, astawan munakuyniyki wiñanqa, astawantaq Diospa munayninta ruwayta munanki. Kaytaq Jesucristop yachaqin kanaykipaq tanqasunqa (Mateo 28:19). Diospa kusisqa ayllunman kʼaskaykukunki chayqa, Diospa masichakuyninpi wiñay wiñaypaq kusisqa kakuyta atinki. ¿Imatataq ruwanayki tiyan Diospa ayllunmanta kanaykipaq?

Diosta munakusqaykita rikuchiy kamachiyninkunata kasukuspa. “Diosta munakoyqa kamachisqasninta juntʼaymin, kamachisqasninta juntʼaytaj atina jinalla.” (1 Juan 5:3.)

Yachakusqaykimanjina ruway. Jesusqa kayta sutʼinchanapaq, iskay runamanta rimarirqa. Juk yuyayniyuq runaqa chhanka patapi wasinta ruwarqa, juk wampu runataq tʼiyu patapi ruwarqa. Jatun para tʼuqyaspa jamuspataq, chhanka patapi wasi ruwasqaqa sayasqa qhipakun, tʼiyu patapi wasitaq urmaykapun. Jesús nirqa paypa yachachisqanta uyarikuq runakunaqa, kay chhanka patapi wasinta ruwakuq yuyayniyuq runajina kanku. Nillarqataq yachachisqanta uyariqkuna manataq ruwankuchu chayqa kay wampu runaman, tʼiyupatapi wasinta ruwaqman rikchʼakun, ¿Kay iskay runamanta mayqinmantaq riqchʼakuyta munanki? (Mateo 7:24-27.)

Diosman qukuy. Juk mañakuypi Jehovaman qukuyta atinki, wiñaypaq munayniykita juntʼayta munani nispa. Diospa munayninta juntʼanchik chayqa, Jesucristop yachaqinkuna kasqanchikta rikuchinchik (Mateo 11:29).

Bautizakuy. “Bautizachikuy, juchasniykimanta llimphuchakuy, Jesuspa sutinta oqharispa.” (Hechos 22:16.)

Tukuy sunquwan Diosta yupaychay. “Tukuy ima ruwanaykichejta tukuy sonqo allinta ruwaychej, [...] [Jehovapaq] jina, ama runapaj jinaqa.” (Colosenses 3:23.)