Qallariynin

Munasqa leerej:

¿Diospa qayllanpichu sientekunki? Ashkha runasqa ninku: “Ni jaykʼaj Diosman qayllaykusunmanchu”, nispa. Wakinkunataj Dios may karupi kasqanta yuyanku. Wakintaj yuyanku mana Diosman qayllaykuyta atinankuta. Bibliataj niwanchej: “Diosman qayllaykuychej, paytaj qankunaman qayllaykamusonqachej”, nispa (Santiago 4:8). Jehovaqa kamachisninman nin: “Noqa Jehová Diosniykeqa paña makiykimanta japʼishayki. Noqaqa niyki: ‘Ama manchachikuychu. Noqa yanapasqayki’, nispa” (Isaías 41:13).

¿Imaynatá Diosman qayllaykusunman? Pillawanpis amigos kanapajqa payta sumajtaraj rejsinanchej tiyan, allin ruwasqasnintataj jatunpaj qhawananchej tiyan. Dioswan amigos kanapajpis, imayna Dioschus pay kasqanta, imatachus yuyasqanta, imaraykuchus imatapis ruwasqanta Bibliapi yachakunanchej tiyan. Chantapis tʼukurinanchej tiyan imaynachus Jehová kasqanpi, imaynatachus Jesucristo Tatan jina ruwasqanpi, imaynatachus noqanchejpis paykuna jina ruwanapi. Yachakusunchej jina, Jehovalla Tukuyta Kamachinanpaj sumaj wakichisqa kashan. Chantapis payqa cheqan kajta ruwan, atiyniyoj, yachayniyoj, munakuyniyoj ima. Jehovaqa payta yupaychajkunata ni jaykʼaj saqerparenqachu. Arí, tukuyninchej ajina Tatata necesitanchej.

Kay libro Jehovaman astawan qayllaykunaykipaj yanapasunanta munayku. Ajinamanta Jehovaman sumaj kʼaskasqa kaspa, payllatapuni wiñaypaj yupaychanaykipaj.