Wasan

Munasqa wayna, sipas ima:

Yachayniyuq rey Salomón, juk kuti nirqa: “Wayna, mayta kusikuy tiempoykipi; wayna kashaspa, imaschus allin kajwan kusikuy. Sonqoykej munasqampi puriy, imastachus rikusqaykipitaj”, nispa (Eclesiastés 11:9). Chiqamanta nisunman wayna chayri sipas kayqa, may sumaq kasqanta. Chayrayku waynallaraq chayri sipasllaraq kachkaspa, Diospa munayninmanjina mayta kusikunaykita munayku. Ama qunqaychu, Jehová tukuy ima ruwasqanchikta rikusqanta, imastachus ruwasqanchikmanta cuentata qunanchik kasqanta ima. Chayrayku, Salomonpa yuyaychasqanta kasukuy, pay nirqa: “Wayna kashaspa, pichus Ruwasoj Diosmanta yuyarikuy”, nispa (Eclesiastés 12:1).

Jehovamanta mañakuyku, kay libropi yuyaychakusqanqa, qamta, qamjina wak waynasta, sipaskunata ima, yanapasunaykichikta, kay saqra pachapi saqra ruwayman tanqasqa kachkaspa, sinchita sayanaykichikpaq, kawsayniykichikpi ima ruwaytapis Diospa munayninmanjina akllanaykichikpaq ima. Jinata ruwaspaqa, chiqamanta Jehovap sunqunta kusichinki (Proverbios 27:11).

Diospa Llaqtanta Kamachiqkuna