Tapuykuna

◼ ¿Tatamama wawasninkuwan khuska Bibliamanta yachakusqankumanta, iskayninkuchu horasta willananku tiyan?

Juk familiapiqa, tata wawasninta, ‘Jehovap yuyayninmanjina yachachinan’ tiyan, chaywanpis mamaqa, yanapanallantaq tiyan (Efe. 6:4, NM). Chantapis Bibliaqa, wawasta jinata kʼamirin: “Tataykej yachachisusqanta uyariy, wawáy, amataj pisipaj qhawaychu mamaykej yachachisusqantapis”, nispa (Pro. 1:8). Chantapis, tatamama wawasninkuwan khuska Bibliamanta yachakunankuqa may sumaq.

Ñawpaqtaqa, tatamamamanta mayqinchus Bibliamanta familiapi yachachiqlla horastaqa yupakuq. Kunanqa manaña ajinachu kanqa. Tatamama, mana bautizasqa wawasninkuman sapa semana yachachisqankumantaqa, sapa juk yachachisqankumanta juk horallata qillqakunanku tiyan. Chaywanpis, wawasninkuman sapa semanapi mana juk horallatachu yachachinku, imaptinchus wawasninkumanqa, mana saykʼuspa yachachinallankupuni tiyan (Deu. 6:6-9). Chantapis sapa killa, runaman Diosmanta willaq risqankumanta, astawan horasqa kanan tiyan, chayrayku tatamama, machkha kutitapis wawasninkuwan juk semanapi yachaqakunankupaq tantakuchunku, juk horallata sapa juk yupakunanku tiyan, sapa juk wawata, wak wakta yachachispapis. Chantapis semanapi juk kutita revisitata, Bibliamanta yachachisqankumanta (estudio bíblico) ima, juknillanku qillqakunanku tiyan.