Tapuykuna

◼ ¿Allinchu kanman mayqin qutuchakuypis chayri mayqin runapis, Jehovamanta sutʼinchaqkunap logotiposninkuta apaykachanan?

Juk logotipoqa, juk dibujo chayri letras, manataq juk riqllachu. Sutʼinchanapaq, Jehovamanta sutʼinchaqkunaqa, kay Watch Tower Bible and Tract Society of Pennsylvania nisqapaq, juk torremanta dibujota logotiponpaq apaykachanku. Kay Congregación Cristiana de los Testigos de Jehová nisqap logotipontaq, juk kicharisqa Bibliamanta dibujo. Chantapis, wakjina logotipostapis apaykachallankutaq.

Wakin qutuchakuykuna chayri wakin runas, Tantakunapaq Wasita kʼachanchanankupaq, letrerospaq chayri imankupaqpis, Jehovamanta sutʼinchaqkunap logotiposninkuta apaykachanankuqa, mana allinchu. ¿Imarayku? Imaraykuchus, kamachiqkuna, wak runas chayri hermanospis, pantasqata yuyankuman. Chantapis, juk qillqasqaq pata kantitunpi chay logotipo rikhuriptinqa, pillapis, chay qillqasqata mayqin oficinasmantachus Diospa llaqtanta kamachikun, chaymanta, chayri sucursalmanta apachichkasqankuta, yuyankuman.

Chayrayku, musuq Tantakunapaq Wasispiqa, mana Jehovamanta sutʼinchaqkunap logotiponkuta churanachu, chay wasi paykunap sutinkupi kaptinpis. Chaywanpis, juk Tantakunapaq Wasipi, juk letreropi chayri wasi kikinpi, chay logotipo nisqa kanña chayqa, usqhayllata urqhurparinaykichik kanman. Chaywanpis, chayta urqhuy, achkha tiempopaq, achkha qullqipaq ima, kaptinqa, maykʼaqchus chay letrerota chayri chay wasita allinchanaykichik kanqa, chayllapiña chayta urqhuwaqchik.