Tukuyniqpi willana
1. Ñawpa tiempomanta cristianos, willanankupaq wakichisqas kasqankuta, ¿imaynatá yachanchik?
1 Ñawpa tiempomanta Diospa kamachisninqa, sunqu kʼajaywan Reinomanta “mana saykʼuspa” maypichá runa tarikuq chaypi willaq kanku (Hech. 5:42). Wasimanta wasi willachkaptinku, wak runaswan ñankunapi tinkukuspa willaqchá kanku. Chantapis wasimanta wasi manaña willachkaptinkupis, mercadoman rantikuq rispa willallaqtaqchá kanku. Paykunaqa, Jesusjina mayllapipis willanankupaq wakichisqas kachkarqanku (Mar. 6:31-34).
2. ¿Imapaqtaq Jehovamanta sutʼinchaq wakichisqa kanan tiyan?
2 Wakichisqaspuni kana. Jehovamanta sutʼinchaq kasqanchikqa, imatachus ruwasqanchikpi, chantá imaynachus kasqanchikpi rikukun (Isa. 43:10-12). Chayrayku, imatachus suyakuchkasqanchikmanta sutʼita kutichinanchikpaq wakichisqaspuni kananchik tiyan, manapis wasimanta wasichu willachkanchik (1 Ped. 3:15). ¿Tukuyniqpi Diosmanta parlarinaykipaq wakichisqachu kachkanki, chantá tʼukurinkichu imatachus ninaykita? ¿Publicacionesta Diosmanta yachakuyta munaqkunaman jaywanaykipaq, apaykachankichu? (Pro. 21:5.) ¿Wasimanta wasillachu willanki chayri wak lugarespi kachkaspapis willallankitaqchu?
3. Callespi, parquespi, estacionamientospi, qhatuspi, wak lugarespi ima, ¿atiptillanchikchu willasunman?
3 “Tukuypa rikunanta” willana. Callespi, parquespi, estacionamientospi, qhatuspi, wak lugarespi ima willanchik. ¿Chay lugarespiqa atiptillanchikchu willamusunman? Mana. Apóstol Pabloqa “tukuypa rikunanta” wasimanta wasi willasqanta nirqa (Hech. 20:20). Wasimanta wasi astawan willaspa, astawan runasman Reinomanta willayninchikwan chayanchik. Chaywanpis ñawpa tiempomanta Diospa kamachisninqa, wasisninkupi mana tarikuq runasman astawan willarqanku. Paykunaqa wasimanta wasi, tukuypa rikunankuta maypichá runas tarikuq kanku chaypi, Diospa Reinonmanta mayta willaq kanku. Ñuqanchikpis paykunajina, Dios kamachiwasqanchikta allinta juntʼana (2 Tim. 4:5).