Imapajchus wasinman risqanchejta willana

Runasqa punkunkupi rikuwajtinchejkama, pichus kasqanchejta, imapajchus maskʼasqanchejta ima yachayta munanku. Chayrayku wakin willajkunaqa, imapajchus risqankuta usqhayllata willarinku. Wasiyojta napaykuytawan ninku: “Noqayku tukuy runaswan Bibliamanta tumpata parlarisharqayku”, chayri “noqayku Diosninchejmanta parlarej jamusharqayku”, nispa. Imapajchus wasinman risqanchejta yachaspa, wasiyojqa ichapis willasqanchejta uyarillanqa.