Tukuy atisqanchejta Reinomanta willanallapuni
1. ¿Imatá Davidmanta yachakusunman?
1 Rey Davidqa, Diosta yupaychanapaj uj wasita ruwayta munarqa. Jehovataj Salomón chay wasita ruwananta nerqa. Chayta yachaspa Davidqa tukuy imata wakicherqa wawan Salomón chay wasita ruwananpaj (1 Rey. 8:17-19; 1 Cró. 29:3-9). Davidqa chay wasita mana ruwananta yachaspa llakikunanmantaqa, imatachus ruwayta atisqanpi tʼukurerqa. Diospa Reinonmanta willashaspa, ¿imaynatá David jina ruwasunman?
2. ¿Imapitaj sumajta tʼukurisunman?
2 Atisqanchejman jina ruwana. Ashkha hermanos precursor regular chayri auxiliar kanankupaj, kapusqallankuwan kausakunku (Mat. 6:22). Qanpis, ¿ajinata ruwayta atiwajchu? Jehovamanta mañakuspa atisqaykitachus manachus sumajta tʼukuriy, ichá “ashkha runas evangeliota uyarinankupaj”, uj jatun punku jina qanpaj kicharikunman. Atinki chaytaj, ruwaypacha (1 Cor. 16:8, 9).
3. Mana precursor kayta atispapis, ¿imaynamantá astawan willallasunmanpuni?
3 Chaywanpis, mana precursor kayta atispaqa, imatachus ruwayta atisqanchejpi tʼukurina. Ichapis sapa atikojtin llankʼayninchejpi llankʼaj masisninchejwan Bibliamanta parlarisunman. Onqosqa kashanchej chaytaj, doctoresman chayri onqosqasta qhawajkunaman ima Diosmanta willarisunman. Chantapis pikunachus onqoyninkurayku chayri machuyapusqankurayku 15 minutosllata willajtinkupis, chay willasqanku tiempota informe hojitapi churayta atisqankuta yuyariypuni. Chantá mayllapipis kashaspa willasqayki tiempota, mashkha publicacionestachus saqesqaykita, Jesuspa Wañuyninta Yuyarinapaj chayri jatun tantakuyman rinapaj invitacionesta jaywasqaykita, tratadosta saqesqaykita ima, informe hojitapi churanayki tiyan. Chay tukuyninta yupaspataj Diospaj sumajta llankʼashasqaykita reparanki.
4. ¿Imatataj ruwaytapuni munanchej?
4 Precursor kayta atispapis, manapis, tukuy atisqanchejta willanallapuni. Diospa Reinonrayku tukuy atisqanchejta ruwashasqanchejta yachaspaqa, sonqo juntʼasqa kasunchej (Mar. 14:8; Luc. 21:2-4).