Jesusmanta cheqa kajta tukuy sonqo willana

Jesusmanta sumajta sutʼinchayta yachaspaqa, tukuy sonqo willamunchej. Creeyninchejqa uj wasi jina, Jesustaj chay wasej aswan sumaj esquina rumin (Efe. 2:20). Arí, salvacionqa Jesucristollapi kashan (Hech. 4:12). Chayrayku imaynatachus Jesús Diospa munayninta juntʼasqanta sumajta yachana tiyan. Ashkha runastaqa llulla yachachiykuna umankuta muyuchishan. Mana Biblia nisqanman jinachu Jesuspi creenqanku chayqa, ni ima bendicionesta japʼenqankuchu. Cheqa kajta Jesusmanta yachasqanchejqa, kallpachawasunchej paymanta sumajta yachachimunapaj, nisunman Tatanta munakusqanmanta, munaynintataj imaynatachus juntʼasqanmanta ima. Jesuspa Wañuyninta Yuyarinapaj tiempopi, ¿tukuy sonqochu paymanta cheqa kajta willamunki?