¿Diospa Palabran kausayninchejpi yanapawanchejchu?

Bibliata sapa pʼunchay leejtinchejqa creeyninchej saphichasqa, kallpachasqataj kanqa (Col. 2:6, 7). Jinapis Diospa Palabran kausayninchejpi yanapanawanchejpajqa nisqanpi tʼukurinanchej tiyan chayman jinataj ruwananchej tiyan (Heb. 4:12; Sant. 1:22-25). Chaypajtaj Josué 1:8 versiculopi nisqan, kay jinasmanta ruwanapaj yanapawasun: 1) Bibliata “tuta pʼunchay” leena; 2) ‘unanchana’ nisunman allillamanta tʼukurinapaj jina leerina; 3) Bibliapi “imatachus” nisqanman jina ruwanapaj kallpachakuna. Chay yuyaychaykunaman jina ruwaspaqa kausayninchejpi allin riwasun, sumaj yuyaywantaj imatapis ruwasun.