Creesqanchejrayku purinachej
Apóstol Pabloqa cristianosman qhelqarqa Cristoj sumaj soldadosnin kasqankurayku, chʼampaykunapi rikukunankuta, kapuyninkutapis saqepunankuta. Chaytataj nerqa Jerusalén niraj muyurisqa, thuñisqataj kashajtin (2 Tim. 2:3, 4). Kay sajra pachapis chinkachisqa kanqa, chayrayku creeyninchejta kallpachana Diosta yupaychayta ñaupajman churaspa (2 Cor. 4:18; 5:7). Creesqanchejrayku purinachej videota qhawariy, Internetpi www.pr2711.com/qu nisqapi. (Chaytataj tariwaj PUBLICACIONES > VIDEOS, nisqapi). Reparasuntaj Nadabwan Saraiwanqa kapuynillankupi yuyasqankurayku wañusqankuta. Kunanqa kay tapuykunaman kutichisun.
1) Ñaupa tiempopi ‘chejnina millay millachikuna Diospa Templonpi sayashaj’, ¿imawantaj ninakorqa, imatataj Jerusalenmanta cristianos ruwananku karqa? (Mat. 24:15, 16.) 2) ¿Imaraykutaj Jerusalenmanta llojsipunankupaj creeyniyoj kananku karqa? 3) ¿Imastataj saqepunanku karqa? 4) ¿Imaraykutaj Nadabwan Saraiwan qheparikorqanku? (Mat. 24:17, 18.) 5) ¿Imapitaj Raquel rikukorqa Jerusalenmanta ripushajtin? (Mat. 10:34-37; Mar. 10:29, 30.) 6) ¿Imaynatá Jafet rikucherqa creeyniyoj kasqanta, Jehovapitaj atienekusqanta? 7) ¿Ima chʼampaykunapitaj cristianos Pela llajtapi rikukorqanku? 8) ¿Imaynatá Nadabwan Saraiwan creeyninkuta pisiyacherqanku? 9) ¿Imaynatá Jehová yanaparqa Pela llajtapi tiyakoj cristianosta? (Mat. 6:33; 1 Tim. 6:6-8.) 10) ¿Imaynatá Abraham jina, Sara jinataj ruwasunman kay pacha tukukuyninman chayashajtin? (Heb. 11:8-10.) 11) ¿Imaraykutaj Nadabwan Saraiwan Jerusalenman kuterqanku, imaraykutaj paykuna kikin chʼaukiyakorqanku? (Luc. 21:21, 22.) 12) ¿Imaynataj Jerusalenpi kausay kasharqa Nadabwan Saraiwan kutejtinku? 13) ¿Imaraykutaj creeyninchejta sinchʼiyachinanchej tiyan niraj kay pacha chinkachisqa kashajtin? (Luc. 17:31, 32; 21:34-36.)
Creesqanchejrayku pureyqa, 1) Jehovapi atienekuy, 2) Jehová imaynatachus kausananchejpaj yanapanawanchejta saqey, 3) Diosta yupaychayta may jatunpaj qhawaytaj. Tukuyninchej creesqanchejman jina purina, Diospa munaynintataj ruwana. Kay 1 Juan 2:17 nin: “Kay pachaqa tukukapushan, [...] Diospa munayninta ruwajrí, wiñaypaj kawsanqa”.