Sapallanchejpi sumajta estudiasqanchejwan yanapachikuna

¿IMARAYKUTAJ RUWANANCHEJPUNI TIYAN? Diospa Palabranta estudiaspa sumajta entiendeyta atinchej, “cheqa kajpa anchonta, largonta, sayayninta, ukhunta ima” (Ef 3:18). Chantapis yanapawanchej kay sajra mundopi mana juchayoj, mana chʼichiyoj kananchejpaj, “kausayta qoj palabramanta sinchʼita” japʼikunanchejpajtaj (Flp 2:15, 16). Diospa Palabranta sapallanchejpi estudianapajqa ajllayta atinchej imatachus yachakuyta munasqanchejta. ¿Imatá ruwasunman Bibliata estudiasqanchej sumajta yanapanawanchejpaj?

¿IMAYNATÁ RUWASUNMAN?

• Biblianchejpi chayri tabletanchejpi versiculosta marcakusunman, anotakusunmantaj.

• Kay tapuykunaman kutichisunman, ¿imaynatá?, ¿maykʼaj?, ¿maypi?, ¿ima?, ¿pitaj?, ¿imaraykú?

• Uj versiculomanta imastachus yachayta munasqanchejta maskʼasunman. Chaytataj maskʼasunman publicacionespi, kapuwasqanchej yanapaspi ima, imamantachus yachakuyta munasqanchejman jina.

• Leesqanchej imaynatachus yanapanawanchejpi tʼukurisunman.

• Yachakusqanchejman jina kausakusunman (Lu 6:47, 48).

BIBLIATA ASWAN SUMAJTA ESTUDIANA NISQA VIDEOTA QHAWAYTAWAN KAY TAPUYKUNAMAN KUTICHIY:

• ¿Imatataj wakin hermanos ninku sapallapi estudianamanta?

• ¿Imaraykutaj orakunanchej tiyan niraj estudiashaspa?

• ¿Imataj yanapawasunman uj versiculota sumajta entiendenapaj?

• ¿Imaynatá Biblianchejpi marcakusunman?

• ¿Imaraykutaj tʼukurinanchej tiyan Diospa Palabranta estudiaspa?

• Diospa Palabranpi yachakusqanchejwan, ¿imatá ruwananchej tiyan?