Warmeqa qosanta yanapanman llimphu kausayniyoj kaspa, respetaspataj

Ashkha qosasqa warminku cristianaman tukusqanmantapacha aswan kʼacha kasqanta rikuspa, paykunapis Diosta yupaychayta qallarinku. Chaytaj kanman ashkha watasta warminkuman churanakusqankumantaraj (1Pe 2:21-23; 3:1, 2). Qosayki qhasillamanta sufrichishasunki chayqa “sajra kajta allin kajwan” atipallaypuni (Ro 12:21). Qosaykitaqa mana imanispalla allin kausayniykiwan yanapawaj.

Qosaykej allinninta maskʼay allinnillaykita maskʼanaykimantaqa (Flp 2:3, 4). Payta entiendey, khuyakuytaj. Ruwanasniykita juntʼanaykipaj kallpachakuy, uyariytataj yachay (Snt 1:19). Paywan pacienciakuy, munakusqaykitataj niy. Pay mana munakusojtinpis nitaj respetasojtinpis Jehová Diosqa ruwasqaykita allinpaj qhawan, kusikuntaj (1Pe 2:19, 20).

JEHOVÁ DIOSQA LLAKIYKUNATA AGUANTANAPAJ YANAPAWANCHEJPUNI NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Hermana Grace Li casarakuytawan kusisqachu kausakorqa?

• ¿Imataj Diosmanta yachakunanpaj yanaparqa?

• ¿Imataj hermana Graceta yanaparqa bautizakusqantawan problemasninta atipananpaj?

• ¿Imatataj hermana Grace Diosmanta mañakorqa qosanpaj?

• ¿Ima bendicionestataj hermana Grace japʼerqa llimphu kausayniyoj kasqanrayku, qosantataj respetasqanrayku?