CRISTIANO KAUSAYNINCHEJ
Sajra munayninchejwan ama atipachikunachu
Pantaj runas kasqanchejrayku mayta kallpachakunanchej tiyan mana sajra munayninchejwan atipachikunapaj. Munasqanchejta ruwajtinchejqa Jehová Diosmanta karunchakusunman. Wakenqa Diospaj llankʼayta ñaupajman churanankumantaqa, wasiyoj kayta, mikhunayoj kayta ñaupajman churanku. Wakintaj munayninkuwan atipachikuspa khuchichakunku, Diospa kamachiykunasnintataj pʼakinku (Ro 1:26, 27). Chantapis wakenqa wajkunawan allinpaj qhawachikunallankupaj imatapis ruwanku (Éx 23:2).
Sajra munayninchejwan mana atipachikunapajqa, mayta kallpachakunanchej tiyan Diospa nisqasninta kasukunapaj (Mt 4:4). Chantapis sajra munayninchejta atipanapaj Jehová Diosmanta yanapata mañakuna. Imajtinchus Jehová Diosqa yachan imachus allinninchejpaj kasqanta, maykʼajtajchus munasqanchejta qonawanchejtapis (Sl 145:16).
PITAYQA MILLAYTA ONQOYKUCHISUNKIMAN NISQA VIDEOTA QHAWAYTAWAN, KAY TAPUYKUNAMAN KUTICHIY:
¿Imajtintaj wakin runas cigarrota pitanku?
¿Imaspitaj rikukusunman cigarrota pitajtinchej?
¿Imaraykutaj cigarrota, cigarro electrónico nisqatawan pitay mana allinchu? (2Co 7:1).
Cigarrota pitayta saqepuyta atiwaj.
¿Imastá ruwasunman cigarro pitayta qhesachanapaj chayri manaña cigarrota pitanapaj?