CRISTIANO KAUSAYNINCHEJ
Diospa Palabranpi creeyninchejta astawan sinchʼiyachina
Diospa Palabranqa kausayninchejta cambiananpaj atiyniyoj (Heb 4:12). Jinapis “Diospa Palabranta” jinapuni qhawaspalla yuyaychaykunasninwan kamachiykunasninwan ima yanapachikusunman (1Te 2:13). ¿Imaynatá Bibliapi creeyninchejta astawan sinchʼiyachiyta atisunman?
Sapa día Bibliata leerispa. Bibliata leespaqa reparana Jehovapuni qhelqachisqanta. Proverbios librota ukhuncharispaqa reparasunman chay yuyaychaykunasnenqa kay tiempopipis kausayninchejpaj may sumaj kasqanta (Pr 13:20; 14:30).
Biblia Diospa Palabranpuni kasqanmanta yachaqanasta estudiaspa. Bibliata Diospuni qhelqachisqanmanta pruebas kasqanta allinta yachananchej tiyan. Chaypajqa Jehovaj testigosnin yachaqanasta maskʼanankupaj nisqaman yaykuy, chaypitaj yaykuy “Biblia” nisqaman chantá “Diospa yuyaychasqan” nisqaman. Chantapis Bibliaj nisqan mana cambiasqanpi creeyninchejta astawan sinchʼiyachisunman, Diospa Palabran nisqa Bibliapi, yanapa A3 nisqata estudiaspa.
¿IMARAYKUTAJ CREENCHEJ? DIOSPA PALABRANPI NISQA VIDEOTA QHAWAYTAWAN, KAY TAPUYKUNAMAN KUTICHIY:
Egiptomanta iglesiaj perqasninpi sutis rikhurisqan, ¿imatá reparachiwanchej Diospa Palabranmanta?
¿Imajtintaj ninchej Bibliaj nisqan kikillanpuni kasqanta?
¿Imatá reparanchej Bibliata mana chinkachiyta atisqankumanta? (Isaías 40:8 leey).