CRISTIANO KAUSAYNINCHEJ
Imatachus Jehová yuyasqanta yachanapaj kallpachakuna
Tukuy ima ruwasqanchejwan Jehovata kusichiyta munanchej (Pr 27:11). Chaypajtaj imata ajllasqanchejpis Jehovaj munayninman jina kanan tiyan, imatachus ruwananchejta Biblia mana sutʼita nejtinpis. ¿Imaynatá chayta ruwasunman?
Sapa día Bibliata estudiaspa. Sapa kuti Bibliata leeyqa Jehovawan khuska kariy jina. Pay imaynatachus llajtanta yanapasqanta qhawarispa, chantá imaynatachus wakin runas allin kajta, mana allin kajta ruwasqankupi tʼukurispaqa, imatachus Jehová yuyasqanta yachayta atisun. Ajinamanta imatapis ajllananchej kajtenqa, Diospa espíritu santon yuyarichiwasun imatachus Bibliapi yachakusqanchejta, Bibliaj yuyaychaykunasninmanta ima (Jn 14:26).
Yuyaychaykunata maskʼaspa. Niraj imatapis ajllashajtinchej kayta tapurikuna: “Imatachus kaymanta Jehová yuyasqanta yachanaypaj, ¿mayqen versiculostaj chayri ñaupa tiempomanta mayqen Diospa kamachinpa kausaynintaj yanapawanman?”. Jehovamanta yanapata mañakuna, parlayninchejpi ima yanapaschus tiyapuwanchej chaykunawantaj yanapachikuna. Jinamanta necesitasqanchejman jinapuni Bibliaj yuyaychaykunasninta tarisun, chayman jinataj ruwasun (Sl 25:4).
“MANA SAYKʼUSPA CORRENACHEJ”: KALLPACHAJ IMASTA MIKHUNA NISQA VIDEOTA QHAWAYTAWAN, KAY TAPUYKUNAMAN KUTICHIY:
Videomanta hermanitanchejta, ¿imata ruwananpajtaj tanqarqanku?
Hermanitanchej jina rikukojtinchej, ¿imaynatá yanapachikusunman Bibliata entiendenapaj yanapaswan?
Niraj imatapis ajllashaspa, ¿imaynatá yanapawasunman sapallanchejpi Bibliata estudiasqanchej, ukhunchasqanchej ima? (Heb 5:13, 14).