Cartasta escribisqanmanta agradecekorqanku

Brookeqa Jehovaj testigon, Estados Unidospitaj tiyakun. Payqa kay COVID-19 onqoy kashajtin mayta cartasnejta predicarqa. Sapa semana ashkha cartasta escribej. Jinapis llakisqa kasharqa, imajtinchus uj wata partiyojpi uj runalla kutichisqa, nisqataj: “Amaña cartasta apachimuwaychu”, nispa. Chayrayku hermanitanchejqa yuyarqa Diosmanta willananpaj cartasta ruwasqan qhasilla kasqanta.

Jinapis tiemponman hermananchej Kimqa hermananchej Brookeman ajinata willarisqa: “Bancomanta uj clientey niwarqa: ‘Uj testigo makiwan escribisqa cartata apachimuwasqa’, nispa”. Chay cartatataj hermananchej Brooke ruwasqa. Qhepan semanantaj bancomanta clienteqa hermananchej Kimta tapurisqa: “¿Reunionesniykichejman jamuymanchu?”, nispa. Chaypachasqa Internetnejta reunionesninchej apakoj.

Chay qhepatataj hermanonchej Davidñataj hermana Brookeman nisqa: “Trabajomanta ujnin compañeroyqa ujnin cartitaykita japʼikusqa”, nispa. Chay trabajadorqa mayta tʼukusqa chay carta makiwan escribisqa kasqanmanta, nisqataj: “Tukuy runasllapis ajinata runasmanta llakikunkuman”, nispa. Hermanonchej Davidtaj payman Diosmanta willarisqa, tapurisqataj: “¿Ujnin publicacionniykuta leerikuyta munawajchu?”, nispa. Paytaj “ya” nisqa, agradecekusqataj.

Jehovaj testigosnenqa mana yachanchejchu pichus Diosmanta willasqanchejta sumajta japʼikunanta (Eclesiastés 11:5, 6). Jinapis hermananchej Brookeqa chay experienciasta uyarispa, sutʼita repararqa tukuy imaymanasmanta predicasqanqa mana qhasichu kasqanta (1 Corintios 3:6).