Jesucristoqa sajra runasta chinkachenqa

Señorninchej Jesucristotaqa sajra runas mayta ñakʼaricherqanku. Paykunaqa qhasimanta tumpaykorqanku, sinchʼita maqaykorqanku, mana justiciata ruwaporqankuchu, mayta ñakʼarichispataj wañucherqanku. Jinapis Jesusqa mana juchayoj kaspapis ‘kausayninta qorqa ashkha runasta kacharichinanpaj’ (Mateo 20:28; Juan 15:13). Jesusqa kunan Diospa Gobiernonmanta Reyña. Tumpamantawantaj wiñaypaj sajra runasta, suwastapis chinkachenqa, justiciatataj tukuypaj ruwanqa (Isaías 42:3).

Bibliaqa willawanchej Jesús sajra runasta chinkachejtin jallpʼanchej kay jina kananta:

• “Niña sajra runas kanqankuñachu. Maypichus karqanku chaynejta qhawarejtiykeqa, manaña kanqankuñachu. Llampʼu sonqoyoj runastajrí kay jallpʼata herenciata jina japʼenqanku, ni ima llakiyniyojtaj allin kusisqa kausakonqanku” (Salmo 37:10, 11).

Jesús noqanchejrayku wañusqanmanta, tumpamantawan imastachus noqanchejrayku ruwananmantapis, ¿imaynatataj Jesusman agradecekusunman? Ujqa kanman ʼDiospa Gobiernonmanta sumaj willaykunamantaʼ astawan yachakuspa. Jesusqa chay sumaj willaykunata willarqa (Lucas 4:43). Chaymanta astawan yachanaykipaj “¿Qué es el Reino de Dios?” nisqa yachaqanata leeriy.