Imayna runachus kasqaykita yachanki chayqa, sumaj saphisniyoj sachʼa jina kanki.
JOVENESPAJ
9 Imayna runachus kanaykita yachay
¿IMA NIYTA MUNAN?
Mana sutillaykichu, nitaj rijchʼaynillaykichu imayna runachus kasqaykita rikuchin. Imayna runachus kasqaykeqa, yachakun imaynatachus kausasqaykipi, imapichus creesqaykipi, ruwasqaykipiwan.
¿YANAPASUNKIMANCHU?
Imaynachus kayta munasqaykita yachaspaqa, imatapis allin yuyaywan ruwanki, manataj saqenkichu waj jóvenes kamachisunankuta.
Adrian nin: “Ashkha runas tiendaspi churasqa muñecos jina kanku. Ni ropallankutapis sapallankumanta ajllayta atinkuchu”, nispa.
Carmen nin: “Mana atikullajtinpis, allin kajtapuni ruwani. Amigosniypajtaj qhawani imaynachus kasqayta respetajkunata”, nispa.
BIBLIA NIWANCHEJ: “Amañataj kay tiempo runas kausasqankuman jinaqa kausaychejchu. Astawanpis yuyayniykichejta mosojyachispa, mosoj runaman tukuychej” (Romanos 12:2).
KAYTA RUWAWAJ
¿Imaynataj kunan kanki? ¿Imayna runataj kayta munanki? Yachanaykipajqa piensariy: imastachus allinta ruwasqaykipi, imaspirajchus cambianaykipi, chantá imaspichus creesqaykipiwan.
¿Imastá allinta ruwanki? ¿Imatá wajkunamanta nisqa aswan sumajta ruwanki? Ichapis sonqoykiwan mana atipachikunkichu, horanpipuni maymanpis chayanki, kʼuchisitu trabajanki chayri qorikuyta yachanki.
YUYAYCHAY: Imastachus allinta ruwasqaykita mana reparakuyta atinkichu chayqa, tataykita mamaykita chayri ujnin amigoykita tapuriwaj.
BIBLIA NIWANCHEJ: “Sapa ujpis ruwasqanta allinta qhawarikuchun. Ajinamanta paypa ruwasqanmanta kusikonqa. Manataj wajkunawan kikinchakunanchu tiyan” (Gálatas 6:4).
¿Imaspitaj cambianaykiraj tiyan? ¿Ima kutispitaj sajra kajpi urmanapaj jina kanki? ¿Ima kutispitaj sonqoykita mana ñitʼiykukuyta atillankichu?
BIBLIA NIWANCHEJ: “Sichus ninchej: ‘Mana juchayojchu kanchej’, nispa chayqa, noqallanchejtaj chʼaukiyakushanchej” (1 Juan 1:8).
¿Imaspitaj creenki? Qanpaj, ¿imataj allin, imataj mana allinchu? ¿Diospi creenkichu? ¿Imaraykú Dios kasqanta niwaj? ¿Imastá mana allinpajchu qhawanki? ¿Imayna kausaytataj munanki?
BIBLIA NIWANCHEJ: “Tanteyayqa allinta qhawasonqa, sumaj yachayniyoj kaypis waqaychasonqa” (Proverbios 2:11).