¿IMATÁ RUWASUNMAN MANA ANCHATA LLAKIKUNAPAJ?
Llakiykunaqa tukukaponqa
Biblia yuyaychawasqanchejqa yanapawasunman mana anchata llakikunapaj. Runasqa mana chinkachiyta atisunmanchu llakichiwasqanchej imasta, chaytaqa Dioslla chinkachiyta atin. Chayta ruwananpajtaj Jesucristota ajllarqa. Jesusqa Jallpʼapi kashaspa ashkha imasta ruwarqa, tumpamantawantaj chaymanta nisqaqa Jallpʼantinpi astawanraj ruwanqa. Chaykunamanta wakinta qhawarina.
JESUSQA ONQOYTA CHINKACHENQA
‘Paymantaj apamorqanku tukuy onqosqasta, Jesustaj paykunata sanoyacherqa’ (MATEO 4:24).
JESUSQA TUKUYMAN QOWASUNCHEJ WASITA MIKHUNATA IMA
“Chaypi wasista ruwakuspa, tiyakonqanku. Uva huertasta churanqanku, poqoynintataj mikhonqanku. Wasistaqa mana wajkunalla tiyakunankupajchu ruwanqanku, jinallataj uva huertastapis mana wajkuna mikhunankupajchu churanqanku” (ISAÍAS 65:21, 22).
JESUSQA ALLIN KAUSAYTA JALLPʼAMAN APAMONQA
‘Pay kamachishajtin, allin kausay kachun, cheqan kaypis kallachuntaj, manaña killa kanankama. Kamachichun jatun qochamanta ujnin jatun qochakama, Éufrates Mayumanta kay pachaj kʼuchusninkamataj. Enemigosninpis uyamanta jallpʼaman laqʼakuchunku’ (SALMO 72:7-9).
JESUSQA MANA CHEQAN KAJTA RUWAJKUNATA CHINKACHENQA
“Llampʼu sonqoyojkunata khuyakonqa, wajchakunatataj wañuymanta salvanqa. Ñakʼarichispa sarojkunaj makisninkunmanta runasta salvanqa” (SALMO 72:13, 14).
JESUSQA ÑAKʼARIYTA, WAÑUYTA IMA CHINKACHENQA
“Manañataj wañuy kanqachu, nitaj llakiypis, nitaj qhapariypis, nitaj nanaypis” (APOCALIPSIS 21:4).