¿Tukuy imatapunichu científicos yachanku?
Cientificosqa cielopi kaj imasta jallpʼapi kaj imasta estudiaspapis, ashkha imasta manaraj yachankuchu.
Cientificosqa manarajpuni yachankuchu imaynatachus kausay, cielo, jallpʼa ima rikhurisqanta. Ashkha runasqa yuyanku cosmología nisqa materia chayta sutʼinchayta atisqanta. Jinapis científico Marcelo Gleiser pichus Diospi mana creenchu, jinata nin: “Cielopi kaj imas, jallpʼapi kaj imas imaynatachus rikhurisqanta manarajpuni sutʼinchayta atiykuchu”, nispa.
Kausaymanta parlaspa, casi kikillantataj uj revista nin: “Imaynachus kausay kay jallpʼapi rikhurisqanta yachay mana atikullanchu. Imajtinchus chayta yachanapaj pruebas karqa chay imasqa, unayña chinkaporqa”, nispa. Chay cientificoj nisqan, jinallataj kay revistaj nisqanqa rikuchiwanchej cientificosqa nipuni yachayta atisqankuta imaynatachus cielo, jallpʼa, kausay ima rikhurisqanta.
Ichapis piensarerqanchej: “¿Pitaj jallpʼapi tukuy imata ruwanman karqa? Kʼacha Dios tiyan chay, ¿imaraykutaj ñakʼarinchej? ¿Imaraykutaj ashkha religiones kananta saqen? Chanta, ¿imaraykutaj religionniyoj runas sajra imasta ruwanankuta saqen?”.
Cientificosqa chay tapuykunaman mana kutichiyta atinkuchu. Jinapis chay tapuykunaj kutichiykunasnin kanpuni. Ashkha runasqa chay tapuykunaj kutichiykunasninta Bibliapi tarerqanku.
Wakin cientificosqa imatachus Biblia nisqanta estudiarqanku. Paykuna imaraykuchus Diospuni tukuy imata ruwasqanta creesqankumanta yachanaykipajqa, internetpi jw.org nisqaman yaykuy. Chaypajqa Diospuni kausayta rikhurichisqanmanta parlanku seccionpi videosta maskʼay.