1 Yachaqana

¿Imaynatá Diospa munayninta yachasunman?

¿Ima sumaq willaykunataq Bibliapi tarikun? (1)

¿Pitaq runata yuyaychan, Biblia qillqakunanpaq? (2)

¿Imaraykutaq Bibliamanta yachakunayki tiyan? (3)

1. Bibliaqa Diospa sumaq regalon. Munakuq tata wawanman cartata qillqasqanjina. Diosmanta chiqa kaqta willawanchik: pichus kasqanta, imachus paypaq allin mana allin kasqantapis. Llakiyninchikta atipayta yanapawanchik, chantapis kusiyta taripaytapis. Biblialla imatachus Diosta kusichinapaq ruwananchikta willawanchik (Salmo 1:1-3; Isaías 48:17, 18).

2. Bibliaqa, manaraq Jesús nacekuchkaptin, 1500 watakuna ñawpaqta qillqakuyta qallarikurqa. 66 libroyuq. Tawa chunka runakuna Bibliata qillqarqanku, 1600 watakunapitaq tukurqanku. Diosninchik Bibliata qillqaqkunata yuyaycharqa. Paykunaqa, Diospa yuyayninta qillqarqanku, mana paykunap yuyayninkutachu. Chayrayku Bibliaqa, mana runamantachu jamun, manaqa janaqpacha Diosmanta (2 Timoteo 3:16, 17; 2 Pedro 1:20, 21).

3. Diosqa kasqanta copiakunanpaq, mana chinkananpaq ima, Bibliata jarkʼan. Mana ima libropis Bibliajina achkhata qillqakunchu. Bibliata yachakusqaykimanta mana tukuychu kusikunqanku, ama chaywan jarkʼachikuychu. Wiñaypaq kawsayta munaspaqa, churanakuptinkupis Diosta riqsinayki tiyan, munasqantataq ruwanayki tiyan (Mateo 5:10-12; Juan 17:3).