16 Yachaqana

¿Diosta yupaychayta munankichu?

¿Imatá Diospa munasqa masin kanaykipaq ruwawaq? (1, 2)

¿Imaynatá Diosman qukunayki tiyan? (1)

¿Maykʼaqtaq bautizakuyta atinki? (2)

¿Imaynatá kallpachakuwaq mana Diosta wasanchanaykipaq? (3)

1. Diospa munasqa masin kanaykipaqqa, Bibliamanta chiqa kaqta yachakunayki tiyan (1 Timoteo 2:3, 4), yachakusqaykipi iñinayki tiyan (Hebreos 11:6), juchaykimanta sunquykipi pesachikunayki tiyan, ñawpa ruwasqaykimantataq kutirikunayki tiyan (Hechos 3:19, 20). Chaymanta, Diosta munakusqaykirayku, payman qukunayki tiyan. Chaytaqa, sapallayki kachkaspa, juk mañakuypi Diosman kawsayniykita qupuspa ruwanki (Mateo 22:37).

2. Bibliamanta yachakuytawan, Diosman qukuptiyki, bautizakuyta atinki (Hechos 2:38). Bautismowanqa, tukuyman Jehovaman qukusqaykita rikuchinki. Chayrayku Diospa munayninta ruwanapaq yuyayniyuq kaqkunalla bautizakunku. Bautizakuqkunaqa yakuman chinkaykunanku tiyana (Marcos 1:9, 10; Hechos 8:36).

3. Jehovaqa qukusqaykimanjina kawsanaykita munan (Salmo 50:14; Eclesiastés 5:4, 5). Supayqa Diosmanta karunchakunaykipaq tukuy imata ruwanqa (1 Pedro 5:8). Mana urmanapaqqa, Diospa yanapayninta mañakuy (Filipenses 4:6, 7). Sapa pʼunchay Diospa rimayninta yachaqay (Salmo 1:1-3). Manataq qutuchakuykunamanta karunchakuychu (Hebreos 13:17). Tukuy kaykunata ruwaspaqa, mana jaykʼaq Diosta wasanchanaykipaq, kallpata tarinki. Wiñaypaqtaq Dios munasqanta ruwayta atinki.

[Sutʼinchaynin]