¿Imastataq yachachinku?
JEHOVAMANTA SUTʼINCHAQKUNAQA, Jehová Dios, kay pachapta, janaq pachapta ima, tukuy atiyniyuq Ruwaqnin kasqanta yachachinku. Janaq pachapi, tukuy ima tʼukunapaqjina ruwasqa kasqanqa, Ruwaqnin, sumaq atiyniyuq, yachayniyuq ima, kasqanta rikuchin. Imaynatachus, juk runap ima ruwasqanpipis yachaynin rikukun, jinallatataq Jehovap ruwasqasninpipis, kʼacha kaykunasnin rikukun. Biblia niwanchik: “Diospa mana rikukoj imasnenqa sutʼita rikuchikunku paypa ruwasqasninnejta, kay pacha ruwakusqanmantapacha”. Chantapis, mana imata nispa, “cieloqa Diospa atiyninmanta parlawanchej” (Romanos 1:20; Salmo 19:1-4).
Kaypi tʼukurina, runaqa tʼuru mankasta, televisoresta, computadorasta ima, mana qhasillapaqchu ruwan. Chaywanpis, kaykunamanta nisqaqa, Jallpʼanchik, sachʼas, uywas imaqa, aswan sumaq ruwasqa kachkanku. Chantapis, cuerponchikpi mana yupay atinapaqjina células kasqan, ñuqtunchik yuyayta japʼiyta atisqan imaqa, mana entiendeyta atinapaqjina ruwasqa kachkan. Runaqa imatapis mana qhasipaqchu ruwan, astawanraqchá Jehová Dios, tukuy imata mana qhasillapaqtaqchu ruwarqa. Chayrayku, Proverbios 16:4 nin: “Tata Diosqa tukuy imasta ruwan imapajchus kanallampaj”, nispa.
Jehová Dios, imapaqchus Jallpʼata ruwasqanta yachanapaq, imatachus Adanman, Evaman ima, nisqanta ñawirina, Pay nirqa: “Miraychej, kay pachaman juntʼaychej; [...] kamachispa mama qochapi kaj challwasta, tukuy pʼisqosta, jallpʼa patapi tukuy qhatatakojkunatawan”, nispa (Génesis 1:28). Diosqa, kay Jallpʼaman runata churachkaspa, chiqan runas kawsakunankuta, uywasta, sachʼasta ima, qhawanankuta munarqa, chaywanpis, Diosta mana kasukusqankurayku, mana jinachu. Chaytaq mana ninayanchu Diospa munaynin Jallpʼapaq mana juntʼakunanta. Imaraykuchus, aswan qhipaman jinata qillqakurqa, “Tata Diosqa [...] kay pachatapis ruwarqa, kamacherqataj ama chʼusajlla kanampaj, manachayqa kawsayniyojkuna chaypi tiyakunankupaj”. Jallpʼaqa “kikillampuni sayan[qa]”, nitaq thuñisqachu kanqa (Isaías 45:18; Eclesiastés 1:4). Jallpʼapaq Diospa munayninqa, juntʼakunqapuni, Pay nin: “Noqaj wakichisqayqa juntʼakonqapuni. Imatacha munasqayta ruwasaj”, nispa (Isaías 46:10).
Chayrayku, Jehovamanta sutʼinchaqkunaqa, Jallpʼanchik mana jaykʼaq chinkachisqa kananta, manaqa paraisoman tukunanta yachachinku. Chantá Jehová Diospa munayninta ruwaqkuna —pikunachus kawsaqkuna, wañuymanta kawsarimuqkuna ima— wiñaypaq kawsanankuta yachachillankutaq. Chaywanpis, Adanmanta, Evamanta mirasqanchikrayku, tukuy runas juchasapa kanchik (Romanos 5:12). Bibliaqa, ‘juchap pagon wañuy’ kasqanta nin. “Kawsashajkunaqa wañunankuta yachakunku; wañusqasrí mana imatapis yachankuchu”. Imaraykuchus “tukukun kawsayninkuqa” (Romanos 6:23; Eclesiastés 9:5; Job 36:14). Jina kaptin, ¿imaynamantá wañuqkuna watiqmanta kawsarimunkuman sumaq bendicionesta japʼinankupaq? Jesucristo, kawsayninta wañuypi qusqanrayku, atinkuman kawsarimuyta, pay nirqa: “Noqa kani kawsarimuy, kawsaytaj; pichus noqapi creejqa, wañuchumpis kawsanqa”. “Tukuy pʼampasqa kajkunaqa Runaj Churimpa parlasqanta uyarenqanku [...] kawsarimponqanku[taq]” (Juan 5:28, 29; 11:25; Mateo 20:28).
¿Imaynatá Diospa munaynin juntʼakunqa? Kay tapuyman kutichiyqa, Jesús Jallpʼapi kachkaspa “reinoj evangelionmanta” yachachisqanpi tarikun (Mateo 4:17-23). Jehovamanta sutʼinchaqkunataq, chay Reinomanta allin willaykunata, mana jaykʼaqjina willachkanku.
[12 paginapi tabla]
JEHOVAMANTA SUTʼINCHAQKUNA, ¿IMASPITAQ CREENKU?
Creeyninku Bibliap nisqan
Bibliaqa, Diospa Palabrantaq, 2 Tim. 3:16, 17;
chiqataq 2 Ped. 1:20, 21; Juan 17:17
Runap usunmanta nisqaqa, Mat. 15:3; Col. 2:8
Biblia atienekunapaqjina
Diospa sutinqa, Jehová Sal. 83:18; Isa. 26:4; 42:8,
Quechua de Cuzce
Cristoqa Diospa churin, nitaq Mat. 3:17; Juan 8:42; 14:28;
Diosjina atiyniyuqchu 20:17 ;1 Cor. 11:3; 15:28
Cristoqa, Diospa tukuy Col. 1:15; Apo. 3:14
ruwasqasninmanta qallariynin
Cristoqa, kurkupi warkhusqa Gál. 3:13; Hech. 5:30, MT
wañurqa, manataq cruzpichu
Cristoqa, kasukuq runas salvasqa Mat. 20:28; 1 Tim. 2:5, 6;
kanankupaq, kawsayninta qurqa 1 Ped. 2:24, MT
Jesús yawarninta jaywasqanrayku, Rom. 6:10; Heb. 9:25-28
juchata pampachanapaq jaywanas,
mana necesitakunñachu
Cristoqa, wañuymanta espiritujina 1 Ped. 3:18; Rom. 6:9;
kawsarimurqa, mana jaykʼaq Apo. 1:17, 18
wañunanpaq
Cristop kutimuyninqa, mana Juan 14:19; Mat. 24:3;
aycha cuerpopichu 2 Cor. 5:16; Sal. 110:1, 2
Kay tiempopi ‘tukukuy Mat. 24:3-14; 2 Tim. 3:1-5;
pʼunchaykunapi’ kachkanchik Luc. 17:26-30
Diospa Reinonqa, Cristoniqta Isa. 9:6, 7; 11:1-5;
chiqan kaqmanjina Jallpʼata Dan. 7:13, 14; Mat. 6:10
kamachinqa
Diospa Reinonqa, allin kawsayta Sal. 72:1-4;
Jallpʼaman apamunqa Apo. 7:9, 10, 13-17; 21:3, 4
Jallpʼaqa, ni jaykʼaq thuñisqachu Ecl. 1:4; Isa. 45:18;
kanqa, nitaq chʼusaqllachu Sal. 78:69
qhipakunqa
Diosqa, Armagedón maqanakuypi Apo. 16:14, 16; Sof. 3:8;
kay pachamanta saqra Dan. 2:44; Isa. 34:2; 55:10, 11
runasta chinkachinqa
Saqra runasqa, wiñaypaq Sal. 37:9, 10; 2 Ped. 3:9
chinkachisqa kanqanku
Diospa khuyakuyninta tariqkunaqa, Juan 3:16; 10:27, 28; 17:3;
wiñay kawsayta japʼinqanku Mar. 10:29, 30
Juk ñanlla, wiñay kawsayman Mat. 7:13, 14; Efe. 4:4, 5
pusan
Wañuyqa, Adán juchallikusqanrayku Rom. 5:12; 6:23
Ukhu pachaqa, maypichus tukuy Job 14:13; Apo. 20:13, 14
wañusqas kachkanku chay
Wañusqasqa, kawsarimunqanku 1 Cor. 15:20-22;
Adanpa juchanrayku wañuy 1 Cor. 15:26, 54; Apo. 21:4;
kasqanqa, chinkachisqa kanqa Isa. 25:8
Kay 144.000 runaslla, Luc. 12:32; Apo. 14:1, 3;
janaqpachaman Cristowan 1 Cor. 15:40-53; Apo. 5:9, 10
kamachimunankupaq rinqanku
Chay 144.000 runasqa, Diospa 1 Ped. 1:23; Juan 3:3;
wawasnin kanankupaq watiqmanta Apo. 7:3, 4
paqarikunku, chaywanpis mana
aycha cuerpopichu
Musuq tratoqa, juk musuq Jer. 31:31; Heb. 8:10-13
suyuwan ruwakurqa
Qutuchakuypa cimientonqa, Efe. 2:20; Isa. 28:16;
Cristo Mat. 21:42
Mañakuypiqa, Cristoniqta Juan 14:6, 13, 14;
Jehovallaman qayllaykuna 1 Tim. 2:5
Mana lantista yupaychanachu Éx. 20:4, 5; Lev. 26:1, 2;
Layqa ruwaykunamanta Deu. 18:10-12; Gál. 5:19-21;
karunchakuna Lev. 19:31
Satanás kay pachata 1 Juan 5:19; 2 Cor. 4:4;
kamachichkan Juan 12:31
Chiqa cristianoqa, mana llulla 2 Cor. 6:14-17; 11:13-15;
religioneswan chaqrukunchu Gál. 5:9; Deu. 7:1-5
Cristianoqa, kay saqra pachap Sant. 4:4; 1 Juan 2:15;
ruwayninwan mana chaqrukunchu Juan 15:19; 17:16
Runap kamachiynin Diospa Mat. 22:20, 21;
kamachiyninwan churanakuptin, 1 Ped. 2:12; 4:15
cristianoqa, Diosta kasukun
Cuerpoman siminiqta chayri Gén. 9:3, 4; Lev. 17:14;
venasniqta yawarta yaykuchiyqa, Hech. 15:28, 29
jucha
Khuchichakuqkunaqa, mana 1 Cor. 6:9, 10; Heb. 13:4;
Diospa Reinonta japʼinqankuchu 1 Tim. 3:2; Pro. 5:1-23
Israelitasllaman, sabadota Deu. 5:15; Éxo. 31:13;
waqaychanankuta kamachikurqa, Rom. 10:4, QB;
Cristo wañusqanmantapachataq, Gál. 4:9, 10;
manaña chay kamachiyta Col. 2:16, 17
juntʼanachu tiyan
Cristianos ukhupiqa, ni pipis aswan Mat. 23:8-12; 20:25-27
kuraqchu, nitaq jatunpaq
qhawanapaq sutitachurankuchu
Runataqa, Dios ruwan, mana Isa. 45:12; Gén. 1:27;
jinallamantachu rikhurin Mat. 19:4
Cristo ruwasqanmanjina, Diospaq 1 Ped. 2:21; Heb. 10:7;
llamkʼana tiyan Juan 4:34; 6:38
Yaku ukhuman yaykuspa bautizakuyqa, Mar. 1:9, 10;
Diosman kawsayninchikta Juan 3:23; Hech. 19:4, 5
jaywasqanchikta ninayan
Cristianosqa, Bibliap yachachiyninmanta Rom. 10:10;
tukuy sunqu wakkunaman Heb. 13:15; Isa. 43:10-12
willanku
[12 paginapi dibujo/foto]
JALLPʼAQA: Jehovap ruwasqan, runa allinta qhawaptin, wiñaypaq chaypi tiyakunqa