Paykunajina ruwanaykipaq: Wakcha viuda

Templopi Jesusqa, qhawachkarqa imaynatachus qhapaqkuna qullqita churasqankuta, rikullarqataq juk wakcha viudatapis “iskay phatasllata” churaykuqta (Lucas 21:2). Jesusqa chay viudap churasqanta allinpaq qhawarqa. ¿Imarayku? Imaraykuchus chay wak runasqa “capuynincoj puchuskanmanta Diosman korkanku. Payrí wajcha cayninmanta tucuy kolkenta korka. Chayka causananpaj casharkapis” (Marcos 12:44, Dios Parlapawanchej).

¿Kay viudajinachu ruwayta munanki? Diosta yupaychanaykipaq kallpaykita, kapususqaykita ima, ¿quyta munawaqchu? Payjina, qampis Tantakunapaq Wasita, allinchaypi yanapayta atiwaq. Chantá kapuyniykiwan, Diosmanta yachakunankupaq runasta yanapawaq. Wakcha viuda, Diosta yupaychanapaq iskay phatallata churaptinpis, Jehovaqa ruwasqanta jatunpaq qhawarqa. Kawsayniykipi Diospa munayninta ruwayta may jatunpaq qhawaptiykiqa, Dios yanapasunqa, ruwasqaykitapis jatunpaq qhawanqa (Mateo 6:33).