Noé Jatun Para kananta willajtin, ¿pikunataj Diosta uyarerqanku?

Noej tiemponpi runasqa sajrallatapuni ruwarqanku (Génesis 6:5)

Adanwan Evawanqa wawasniyoj karqanku, ajinamantataj ashkha runas kay jallpʼapi rikhurerqanku. Chantá waj angelespis Satanás jinallataj Diospa contranpi oqharikorqanku.

Chay angelesqa jallpʼaman uraykamuspa runasman tukorqanku warmiswan casarakunankupaj. Wawasninkutaj kallpasapas, sajrastaj karqanku.

Kay jallpʼaqa sajra runaswan juntʼa kasharqa. Biblia nin: “Diosqa rikorqa runaspa ashkha millay sajra ruwasqasninkuta, qhepamampis tukuy sajrallatapuni ruwayta yuyasqankuta”, nispa.

Noeqa Diosta kasukuspa uj arcata ruwarqa (Génesis 6:12-14, 18, 19, 22)

Noeqa kʼacha runa karqa. Chayrayku Jehová Diosqa payman willarqa Jatun Parapi sajra runasta chinkachinanta.

Diosqa Noeman uj jatun cajata ruwananta nerqa, yakupi barco jina tuytunanpaj. Chaytaj arca sutikorqa. Chantá nillarqataj chayman familianta, tukuy laya animalestawan yaykuchinanta.

Noeqa runasman willarqa Jatun Para kananta, runastaj mana kasorqankuchu. Wakenqa asipayarqanku, wakintaj phiñakorqanku.

Noeqa arcata tukuytawan, animalesta chayman qhatiykorqa.