9 tʼaqaj qallariynin
Kay tʼaqapeqa yachakusunchej profetas, reyes, wawitas ima Jehová Diospi sinchʼita creesqankumanta. Israelmanta uj imillitaqa yacharqa Jehová Diospa profetan, Naamanta sanoyachinanta. Profeta Eliseoqa yacharqa Jehová Dios enemigosninmanta jarkʼananta. Kuraj kaj sacerdote Jehoiadaqa kausayninta wañuy pataman churarqa wawita Jehoasta pakaykunanpaj. Imaraykuchus chay wawitata awelan Atalía wañuchiyta munasharqa. Rey Ezequiastaj Jehová Dios Jerusalenta, payta ima, asirio soldadosmanta salvananpi atienekorqa. Rey Josiastaj Judamanta santosta phirerqa, templota allincharqa, judiostataj yanaparqa Jehová Diosta watejmanta yupaychanankupaj.