Jehová llajtanta tantaykunanta nin | Jehovallata yupaychay watejmanta sayarichisqa kananta nin

Israelitasqa llakiypi rikhurerqanku, waj diosesta yupaychasqankurayku tʼaqanasqas kasharqanku. Paykunaqa juchankurayku ajinapi kasharqanku, Jehovallata yupaychayta chʼichicharqanku, Diospa sutintapis pisipaj qhawarqanku. Chay jina llakiypi kashajtinku, Jehová Diosqa profeta Ezequielwan allin imasta willacherqa. Jehovaqa kikinchaykunawan, rijchʼanachinaswan kallpacharqa preso apasqa israelitasta, Jehovallata yupaychay watejmanta sayarichisqa kananta suyakojkunata ima.