Ezequielpa profeciasninta entiendenapaj yanapa

¿IMATAJ UJ PROFECÍA?

Hebreo parlaypi navá palabrata Bibliapi traducikun ‘profeta jina willay’ nispa. Chaytaj niyta munan Diospa yuyaychasqanta willay, juiciota willay, imaynatachus kausanamanta willay chayri Diospa kamachisqanta willay. Chantapis niyta munallanmantaj imachus qhepaman kananta willay. Profeta Ezequielpa willasqanpitaj tukuy chaykuna tiyan (Eze. 3:10, 11; 11:4-8; 14:6, 7; 37:9, 10; 38:1-4).

¿IMAYNASMANTÁ WILLAKOJ?

• 

  MOSQOYPI JINA

• 

  RIJCHʼANACHINAS

• 

  RIKUCHISQAN

Ezequielqa libronpi qhelqarqa mosqoypi jina rikusqasninta, rijchʼanachinasta, kikinchaykunata, imachus qhepaman kananta rikuchisqanta ima.

JUNTʼAKUSQASNIN

Ezequielpa wakin qhelqasqasnenqa mana uj kutillatachu juntʼakun. Watejmanta Diosllata yupaychanankumanta profeciaqa, israelitas Sumaj Jallpʼaman kutisqankupi wakin juntʼakorqa. Kay libromanta capítulo 9 sutʼinchashan jinataj, chay profeciamanta wakin imas kay tiempopi juntʼakushan, wakin imastaj aswan qhepaman juntʼakonqa.

Unayqa yuyaj kanchej Ezequiel libromanta wakin imas uj runawan, uj lugarwan chayri imawanpis ninakusqanta. Kunantaj Biblia chayta nejtillan ajinata sutʼinchakun.a Kay libropitaj mana chay imasmantachu parlakushan. Astawanpis Ezequielpa profeciasnin aswan qhepaman juntʼakunanmanta sutʼinchakushan. Kay libropi yachakullasuntaj profeta Ezequielpa willasqanmanta, chay tiempo runasmanta, lugaresmanta, imaschus pasasqanmanta ima.