BIBLIAJ KUTICHIYKUNASNIN

¿Imataj qhepaman kanqa?

Uj familiaqa waj llajtayoj señorata visitarishan — Jesús kausayninta qosqan, ¿imaynatá tukuyta allinta kausakunapaj yanapawanchej?

Yachayniyoj runasqa sumachaj imasta ruwashallankupuni. Chay ruwasqanku imastaj, tukuywan allinta kausakunanchejpaj mana yanapawanchejchu. Astawanpis wakin runasqa paykunallapaj imatapis munanku. Diostajrí tukuyninchej allinta kausakunanchejta munan. (2 Pedro 3:13 leey.)

Bibliaqa niwanchej qhepaman allin kausay kananta. Tukuypis ni imata manchachikusunchu, nitaj pipis ñakʼarichiwasunchu. (Miqueas 4:3, 4 leey.)

¿Imatá Dios ruwarqa allinta kausakunanchejpaj?

Diosqa ñaupa tatanchej Adanta, cheqan runata ruwarqa. Adantajrí Diosta mana kasusqanrayku juchasapaman tukuporqa. Chayrayku noqanchejpis juchasapasllataj kanchej, noqallanchejpajtaj imatapis munanchej. Diostajrí Churin Jesusnejta juchamanta kacharichiwarqanchej. (Romanos 7:21, 24, 25 leey.)

Diospa munayninman jina ruwaspa, Jesusqa juchamanta kacharichinawanchejpaj kausayninta qorqa (Romanos 5:19). Chayraykutaj aswan qhepamanqa tukuypaj allin kausay kanqa, nitaj sajra ruwaykuna kanqañachu. (Salmo 37:9-11 leey.)

Astawan yachakuyta munaspaqa, ¿Imatapunitaq Biblia yachachin? libroj 5 yachaqananta leey. Kaytaqa Jehovaj testigosnin orqhonku

Internetpi, www.jw.org/qu nisqamanta uraqachiy