Kapuyninchejwan Jehová Diosta jatunchana

UJ PACHA Señorninchej Jesús nerqa: “Aswan kusiy wajman qoriy, qorichikunamanta nisqaqa”, nispa (Hech. 20:35). Chaytaj maychus kajpuni. Imajtinchus Jehová Diosqa tukuy imata qowanchej, chaytaj noqanchejta kusichiwanchej. Chaywanpis aswan kusisqa kasunman Diosman imallatapis qospa. Chanta, ¿imatataj Jehová Diosman qosunman? Chaypaj Bibliaj nisqanta qhawarina. Biblia niwanchej: “Tukuy kapuyniykiwan Tata Diosta jatunchay”, nispa (Pro. 3:9). Arí, tukuypis tiemponchejwan, kallpanchejwan, wakin imasta sumajta ruwayta atisqanchejwan, qolqenchejwan, waj imasninchejwan ima Jehová Diosta jatunchayta atisunman. Chayrayku Jehová Diosta jatunchanapaj kallpachakuspaqa, aswan kusisqas kasunchej.

Kapuyninchejmanta Jehová Diosman qonapuni kasqanta mana qonqanapajqa, apóstol Pabloj nisqanta yuyarikuna. Payqa Corintomanta hermanosman jinata nerqa: “Sapa ujniykichej tʼaqaychej mashkhallatapis”, nispa (1 Cor. 16:2). Qolqesitunchejwan yanapakunapajqa, kay urapi yuyaychakusqanman jina ruwasunman.

Wakin suyuspeqa mana Internetnejta qolqesitunkuwan yanapakuyta atinkuchu. Chaywanpis Internetpi donate.jw.org nisqapi sutʼinchan imaynasmantawanchus qolqesitunchejwan yanapakuyta atisqanchejta. Wakin suyuspeqa chayta astawan sutʼinchanankupaj donate.jw.org nisqapi uj documentota churanku.