Libromanta Yachaqanapaq tantakuy, ¿imaynatá yanapawanchik?
1. ¿Imaynatá phichqantin tantakuykuna yanapawanchik?
1 Phichqa tantakuyninchikmanta sapa juk jukjina, jukjinamantataq sapa juk yanapawanchik. Chaywanpis, phichqantin ‘puraqmanta kallpachanakunanchikpaq munanakuypi kawsanchikpaq’, ima yanapawanchik (Heb. 10:24, 25). ¿Imaynatá Librota Yachaqanapaq tantakuy yanapawanchik?
2. Pisilla tantakuptinchik, ¿imaynatá yanapawanchik?
2 Diospa llaqtanpi ñawpaqman rinchik. Kay tantakuyqa, mana wakin tantakuyjinachu, chaypiqa pisilla tantakunchik, jinamanta hermanoswan masichakunchik, puraqmanta kallpachanakunchik ima (Pro. 18:4). ¿Chay tantakuypi tukuywan allinta riqsinakunchikñachu, ichapis paykunawan willamuspa? Astawanpis Librota Yachaqanapaq tantakuypi yachachiq ancianoqa, tukuyta allinta riqsinqa, jinamanta sapa jukta yanapanqa, kallpachanqa ima (Pro. 27:23,24).
3. ¿Imaraykutaq Bibliamanta yachaqaqkuna kay tantakuyman riyta munankuman, imaynatá astawan Jehovata jatunchasunman?
3 ¿Pikunamanchus Bibliamanta yachachichkanchik, kay tantakuyman rinankupaq waqyarinchikchu? Tantakuykunaman riyta manchachikuqkunaqa ichapis pisilla, wasillapi tantakusqanchikta yachaspa, manaña tantakuykunaman riyta manchachikunqankuchu. Chantapis, kay tantakuypi masichakusqanchikrayku waynakuna, Bibliamanta yachaqakuq runakunapis mana manchachikuspa makinkuta uqhariyta atinku. Astawanpis, pisilla tantakusqanchikrayku, sapa juk astawan Jehovata jatunchanman tapuykunaman kutichispa (Sal. 111:1).
4. ¿Imaynatá astawan kay tantakuy yanapawanchik?
4 Librota Yachaqanapaq tantakuykunaqa tukuyniqpi maypichus willanchik chayniqpi wakichikun. Wakin kutiqa ichapis karuman rinanchikta niwasunchik, chayri qayllitallaman. Maypichus tantakunchik chay wasipiqa, willaq lluqsinanchikpaq tantakullasunmantaq.
5. ¿Imaynatá libromanta yachachiq anciano willamunapaq yanapawasunman?
5 Willamunapaq yanapawanchik. Librota Yachaqanapaq tantakuymanta ancianoqa, tukuy hermanosta tantakuyninmanta yanapayta maskʼan, runaman kusiywan willamunallankupaqpuni. Chayrayku, payqa runaman willamuchkaspa, sapa jukwan llamkʼan imaymanamanta runaman willayta yanapananpaq. Chayrayku yachakuyta munaqkunaman kutiyta manchachikuptinchikqa ancianowan parlananchik tiyan, ichapis wak hermanowan yanapachiwasunman. Astawanpis, imaynatachus libromanta tantakuypi anciano yachachisqanta allinta qhawariptinchikqa, kikillantataq runaman yachachinanchikpaq yanapawasun. (1 Cor. 4:17).
6. ¿Imaraykutaq libromanta yachaqanapaq tantakuyman rinanchikpuni tiyan?
6 Chiqamanta nisunman. Libromanta Yachaqanapaq tantakuyqa juk sumaq tʼinka Diosninchikmanta kasqanta. Kaytataq munakuywan Dios quwanchik kay saqra pʼunchaypi sinchita kallpachakunanchikpaq (Sal. 26:12).