Familiayki mana chinkayman rinanpaq, ¿wakichisqachu kachkan?
1 Profecías juntʼakuchkasqanqa, kay saqra pachap tukukuynin qayllapiña kasqanta, rikuchiwanchik. Tiemponchikqa manchay saqra, manaraq Jatun Para jamuchkaptin kikin kachkan (Mat. 24:37-39). Noeqa, ‘Diospa munayninta ruwasqanrayku’, Jatun Parapi, mana wañurqachu (Gén. 6:9). Noeqa, familiantapis yachachirqachá, chayrayku Jatun Parapi mana wañurqankuchu. ¿Imatá Noemanta yachakusunman? ¿Imaynatá familiajina mana kay saqra pachawan khuska chinkayman rinapaq wakichikusunman?
2 Chiqan kaqta willaq. Noeqa, mana saykʼuspa ‘chiqan kaqmanta’ 40 chayri 50 watasta, willarqa (2 Ped. 2:5). Vecinosninqa, saqra angeleswan tanqachikuspapis, chayri manapis Noetaqa, asipayarqanku. Kay tiempomanta runasqa, willayninchikta mana uyariyta munankuchu, chantapis asipayawanchik, chaytaq pachap tukukuynin qayllapiña kasqanta rikuchiwanchik (2 Ped. 3:3, 4). Mana Noepa tiemponpijina, kay tiempopiqa, willayninchikta uyarispa achkha runas Jehovap llaqtanman yaykuchkanku (Isa. 2:2). Ñuqanchikpis, uyariqkunapis salvakunankupaq, Diosmanta willanallanchikpuni tiyan (1 Tim. 4:16). Chayrayku tatas, runaspa kawsaynin wañuy patapi kasqanrayku, wawasniykichikta, usqhayllata willanankupaq yachachiychik mana simillamantachu manaqa ruwasqaykichikwan (2 Tim. 4:2.)
3 “Ajinata Noeqa ruwarqa.” Noé, familian ima, kawsanankupaqqa, Jehovap kamachisqanta, maychus kaqta ruwananku karqa (Gén. 6:22). Ñuqanchikpis, Bibliap nisqanta, allin kamachiq yuyayniyuq nisqanta ima, ‘kasukunanchik’ tiyan (Sant. 3:17, DIOS PARLAPAWANCHEJ). Juk familiamanta runas imaynatachus, tatanku Dios llaqtanniqta yachachisqanmanjina ruwasqanta yuyarikunku. Chay tataqa, sapa semana familianta Bibliamanta yachachiq, chantá sapa semanap tukukuyninta willayman pusaq. Chantapis, willayman rispaqa, sapa juk wawanwan llamkʼaq. Diospa kamachisqanta, mana saykʼuspa ‘ruwasqanqa’ wawasninta yanaparqa, kunanqa, suqtantin wawasnin Jehovata yupaychanku.
4 Kay saqra pachap tukukuyninqa, jinallapi chayamunqa (Luc. 12:40). Sichus familia Noejina ruwanqa, iñiyniyuqtaq kanqa, mana kay saqra pachawan khuska chinkananpaq wakichisqa kanqa (Heb. 11:7).