Iskay pʼunchaypaq jatun tantakuy
¿Imaynatá sinchita sayasunman, chiqa yupaychaywan churanakuqkunaman? ¿Imaynatá kay saqra pacha ruwayninman tanqawasqanchikta atipasunman? Kay 2009 watapi iskay pʼunchaypaq jatun tantakuypi kay tapuykunaman kutichinqaa. Sutichakunqataq, “Sajra kajta allin kajwan atipay”, nisqa, Romanos 12:21, pʼitimanta urqhukunqa. Qhawarina ima umallirichiykunachus kanqa.
Superintendente de distrito nisqaqa, kaykunata umallirichinqa: “Kallpachakuna saqra kaqta allin kaqwan”, “Ama anchata ñuqallanchikpi atienekunachu”, “Pisi tiempomantawan ñakʼariykuna chinkanqa”, kaywantaq tukuchanqa “Iñiyninchikta kallapachananchik tiyan, kay saqra pacchata atipanapaq”. Qutuchakuykunata waturiq hermanotaq, kaykunata umallirichinqa: “Tiempota allinta reparaspa, yachanchik puñuymanta rikchʼarina horaña kasqanta”, Romanos 13:11-13, pʼitikunamanta urqhukunqa, “Llakiykuna kaptin ama llawchhiyanachu”, Proverbios 24:10, pʼitimanta urqhukunqa. Chantapis, “Imapi qutuchakuykuna llamkʼananku tiyan”, nisqata umallirichillanqataq. Wak umallirichiytaq sutikunqa, “‘Willayninchikpi tukuy sunqu llamkʼana’ precursoresjina” nisqa. Chaymanta, iskayman tʼaqasqa umallirichiymanta ñawpaq kaqqa: “Kuraq Supay urmachiyta munawasqanchikman, sinchʼita sayaychik”, nisqa kanqa. Kay umallirichiyqa, Kuraq Supaypa pakasqa tuqllasninta reparanapaq yanapawasun, chaykunataq runap ruwasqasninpi, sunquta kusirichinapaq wakin ruwaykunapi, yachay wasipi, yachachiykunapi ima, kachkan. Qhipan umallirichiytaq “Kallpata japʼinachik ‘saqra pʼunchaypi sinchita sayananchikpaq’ Kuraq Supay urmachiyta munawaptinchik” nisqa, chaytaq kay Efesios 6:10-18, pʼitikunapi nisqanmanjina ruwananchikpaq yanapawasun.
Diospa Reinonmanta willayqa, saqra kaqta allin kaqwan atipanapaq yanapawanchik (Apo. 12:17). ¡Chayraykuchá Satanasqa, ñakʼarichiwasqanchikpi mana saykʼunchu! (Isa. 43:10, 12.) Chaywanpis, chaytaqa qhasi mana kaqta ruwan, imaraykuchus ñuqanchikqa ‘saqra kaqta allin kaqwan atipallasunpuni’. Chay tantakuypi iskaynin pʼunchayta kanaykipaq ñawpaqmanta wakichikuy.