Juk pʼunchaypaq jatun tantakuy

Kay 2009 watapi juk pʼunchaypaq jatun tantakuy sutichakunqa, “Imatachus Señormanta ruwana japʼisqaykita juntʼay tukuychanaykikama”, nisqa, chaytaq Colosenses 4:17, pʼitimata urqhukunqa, kay pʼiti nisqanta sumaqta japʼikunchik, munanchiktaq Jesusjina sumaqta chay kamachiyta juntʼayta (Juan 17:4). Chantapis apóstol Pablo, willaypi kawsayninta tukuchiyta munasqanqa, ñuqanchikpis kikinta ruwananchikpaq yanapawanchik (Hech. 20:24).

Qutuchakuykunata waturiq imaynatachus hermanos Diosmanta willaypi chʼampaykunata atipachkasqankumanta parlanqa. Chantá: “Tarpusqanchik mujuta wiñananpaq qhawanallapuni”, nisqata umallirichinqa, caypitaq imaynatachus ‘wiñay kawsaypaq kaqkunata’ yanapayta atisqanchikta rikuchiwasun (Hech. 13:48, Qheshwa Biblia). Sucursalmanta jamuq hermanotaq, kayta umallirichinqa: “Tukuy imapi rikuchikuyta munanchik Diospa kamachisninjina”, nisqata, chay umallirichiypitaq ñawpaqtaqa kay 2 Corintios 6:1-10, pʼitimanta pʼiti ukhunchanqa, tardentaq kayta umallirichinqa: “Willayninchikta jatunpaq qhawana”, nisqata. Chantapis kay sumaq umallirichiykuna kallanqataq, “Waynas, sipaskuna, machuyasqa hermanos ima, willayninkupi kusiyta tarinku”, “Waynas sipaskuna ima willayninkuta juntʼanku” nisqatawan. Chay juk pʼunchaypaq jatun tantakuypi, chayri iskay pʼunchaypaq jatun tantakuypi bautizakuyta munanki chayqa, qutuchakuyniykimanta superintendente presidente nisqaman usqhayllata willay. Chantapis kay jatun tantakuykunapiqa, kay Torremanta Qhawaq revistata ukhunchakun. Chayrayku chay tantakuyman, chay semanapaq revistaykita apanayki tiyan.

Willayninchikta, juntʼachkanchikchu manachus chayta qhawarikunanchik tiyan, Jehová Reinonmanta willananchikta kamachiwasqanchikta juntʼanapaq. Kay juk pʼunchay jatun wakichikusqanqa, imatachus juntʼananchik kasqanta mana qunqananchikpaq, tʼukurichiwasun, kallpachawasun ima, jinamanta willayninchikta sumaqta juntʼallasunpuni.